फोनपे आणि गुगल Pay साठी दिलासा देणारी बातमी; मार्केट शेअर नियमांच्या बाबतीतही मिळाली मुदतवाढ

नवी दिल्ली: यूपीआय पेमेंटबाबतीत आघाडीच्या कंपन्या म्हणजेच फोनपे आणि गूगल पे साठी नॅशनल पेमेंट कॉर्पोरेशन ऑफ इंडिया (एनपीसीएल) कडून दिलासा देणारी बातमी आहे. एनपीसीएलने ३० टक्के मार्केट शेअर नियमांची पूर्तता करण्याची अंतिम मुदत दोन वर्षांनी वाढवली आहे. पूर्वीच्या बाजार शेअर मानदंडांची पूर्तता करण्याची अंतिम तारीख ३१ डिसेंबर २०२२ होती, जी आता ३१ डिसेंबर २०२४ पर्यंत वाढवण्यात आली आहे.

एनपीसीएलने एका निवेदनात म्हटले आहे की, "यूपीआयचा सध्याचा वापर, भविष्यातील संभावना आणि इतर बाबी लक्षात घेऊन, विद्यमान थर्ड पार्टी पेमेंट ॲप (TPAP) साठी मार्केट व्हॉल्यूम कॅपचे पालन करण्याची कालमर्यादा दोन वर्षांनी वाढवली आहे, ही तारीख आता ३१ डिसेंबर २०२४ असणार आहे."

अरेरे... UPI द्वारे चुकून दुसऱ्याच्या बँक खात्यात पैसे ट्रान्सफर झाले? जाणून घ्या कशी वसूल करणार ही रक्कम
फोनपेआणि गुगल पेला मोठा दिलासा
मुदत वाढवण्याचा अर्थ असा आहे की फोनपे (ऑक्टोबरपर्यंत ४७7% मार्केट शेअर) आणि गूगल पे (ऑक्टोबरपर्यंत ३४% मार्केट शेअर) यांना एनपीसीएलच्या मार्गदर्शक तत्त्वांचे पालन करण्यासाठी आणखी दोन वर्षे मिळतील. पेटीएम ही या विभागातील तिसरी सर्वात मोठी कंपनी आहे. ज्याचा बाजार हिस्सा १५% आहे. एनपीसीएल डेटानुसार, यूपीआय व्यवहारांनी मे महिन्यात १० लाख कोटी रुपयांचा आकडा पार केला होता, जो नोव्हेंबरमध्ये ११.९० लाख कोटी रुपयांपर्यंत वाढला होता.

करदात्यांच्या कामाची बातमी! आता UPI, क्रेडिट कार्डद्वारेही भरता येणार इन्कम टॅक्स, कसं ते जाणून घ्या
फोनपेची भूमिका
फोनपेचे सीईओ समीर निगम म्हणाले, “यूपीआय मार्केट शेअर कॅप दोन वर्षांसाठी वाढवण्यात आल्याने आम्हाला दिलासा मिळाला आहे. फोनपेच्या बाबतीत, यूपीआय मार्केट शेअर ३० टक्क्यांपर्यंत पर्यंत कमी करण्यासाठी, आम्हाला करोडो भारतीयांना यूपीआय पेमेंट सेवा नाकारावी लागेल आणि भारतीय डिजिटल पेमेंटच्या वाढीच्या प्रवासात हे चुकीचे ठरू शकते.

Debit Card खिशात ठेवायची गरज नाही, आता थेट आधारवरून UPI Payment करा
हा नियम का आणला?
सर्व यूपीआय थर्ड पार्टी ॲप्सनी ३० टक्के व्यवहार व्हॉल्यूम कॅपचे पालन करणे आवश्यक असलेली मार्गदर्शक तत्त्वे नोव्हेंबर २०२० मध्ये प्रथम जारी करण्यात आली होती. यूपीआय मार्केट काही कंपन्यांच्या हातात जाऊ नये यासाठी हे केले गेले. फोनपे, गूगल पे आणि पेटीएमकडे सध्या मासिक आधारावर यूपीआयचा ९६ टक्के हिस्सा आहे.