टाइम्स वृत्त, नवी दिल्ली
पेट्रोल व डिझेलच्या दरांत येत्या काही दिवसांत प्रतिलिटर चार रुपयांची वाढ होण्याची भीती व्यक्त होत आहे. आंतरराष्ट्रीय बाजारातील कच्च्या तेलाच्या वाढत्या किंमती व कर्नाटक विधानसभा निवडणुकीसाठी रोखून ठेवलेल्या इंधन किंमतींमुळे निर्माण झालेली तूट ही या मागील प्रमुख कारणे आहेत.
कर्नाटक निवडणुकीपूर्वी १९ दिवस पेट्रोल व डिझेलचे दर स्थिर ठेवण्यात आले होते. याबाबत इंधनाचे मोठे पुरवठादार असणाऱ्या कोटक इन्स्टिट्युशनल इक्विटीजच्या अहवालात म्हटले आहे की, तेल कंपन्यांना प्रतिलिटर दोन रुपये ७० पैशांचा किमान नफा होणे आवश्यक असते. इंधनाचे दर १९ दिवस रोखून धरल्याने या कंपन्यांच्या महसुलात मोठी तूट निर्माण झाली आहे. ही तूट भरून काढण्यासाठी या कंपन्या येत्या काही दिवसांत पेट्रोलच्या प्रतिलिटर दरात चार ते साडेचार रुपयांची तर डिझेलच्या दरात साडेतीन ते चार रुपयांनी वाढ करण्याची शक्यता आहे.
इंधनाचे दर १९ दिवस स्थिर ठेवल्याने पुरवठादारांचा प्रतिलिटर नफा केवळ ३१ पैशांपर्यंत खालावला होता, असे आयसीआयसीआय सिक्युरिटीजने म्हटले आहे.
कच्चे तेल 'भडकले'
आंतरराष्ट्रीय बाजारात कच्च्या तेलाच्या किंमतीने प्रतिबॅरल ८० अमेरिकी डॉलरचा टप्पा पार केला. नोव्हेंबर २०१४नंतर प्रथमच कच्च्या तेलाने ही चिंताजनक पातळी गाठली आहे. कच्च्या तेलाचा मोठा पुरवठादार असणाऱ्या इराणने पुरवठाकपात केल्याने ही स्थिती निर्माण झाली आहे.
पेट्रोल व डिझेलच्या दरांत येत्या काही दिवसांत प्रतिलिटर चार रुपयांची वाढ होण्याची भीती व्यक्त होत आहे. आंतरराष्ट्रीय बाजारातील कच्च्या तेलाच्या वाढत्या किंमती व कर्नाटक विधानसभा निवडणुकीसाठी रोखून ठेवलेल्या इंधन किंमतींमुळे निर्माण झालेली तूट ही या मागील प्रमुख कारणे आहेत.
कर्नाटक निवडणुकीपूर्वी १९ दिवस पेट्रोल व डिझेलचे दर स्थिर ठेवण्यात आले होते. याबाबत इंधनाचे मोठे पुरवठादार असणाऱ्या कोटक इन्स्टिट्युशनल इक्विटीजच्या अहवालात म्हटले आहे की, तेल कंपन्यांना प्रतिलिटर दोन रुपये ७० पैशांचा किमान नफा होणे आवश्यक असते. इंधनाचे दर १९ दिवस रोखून धरल्याने या कंपन्यांच्या महसुलात मोठी तूट निर्माण झाली आहे. ही तूट भरून काढण्यासाठी या कंपन्या येत्या काही दिवसांत पेट्रोलच्या प्रतिलिटर दरात चार ते साडेचार रुपयांची तर डिझेलच्या दरात साडेतीन ते चार रुपयांनी वाढ करण्याची शक्यता आहे.
इंधनाचे दर १९ दिवस स्थिर ठेवल्याने पुरवठादारांचा प्रतिलिटर नफा केवळ ३१ पैशांपर्यंत खालावला होता, असे आयसीआयसीआय सिक्युरिटीजने म्हटले आहे.
कच्चे तेल 'भडकले'
आंतरराष्ट्रीय बाजारात कच्च्या तेलाच्या किंमतीने प्रतिबॅरल ८० अमेरिकी डॉलरचा टप्पा पार केला. नोव्हेंबर २०१४नंतर प्रथमच कच्च्या तेलाने ही चिंताजनक पातळी गाठली आहे. कच्च्या तेलाचा मोठा पुरवठादार असणाऱ्या इराणने पुरवठाकपात केल्याने ही स्थिती निर्माण झाली आहे.