देशभरातील कारवाईबाबत प्राप्तिकर विभागाची माहिती
वृत्तसंस्था, नवी दिल्ली
पाचशे व हजार रुपयांच्या नोटा चलनातून बाद केल्यानंतर गुरुवारपर्यंत काळा पैसाधारकांविरोधात देशभरात प्राप्तिकर विभागाने केलेल्या कारवाईमध्ये तब्बल ४,३१३.७९ कोटी रुपयांहून अधिक अघोषित रक्कम उघड झाली आहे. शिवाय ५५४.६ कोटी रुपयांची रोकड आणि दागिने जप्त करण्यात आले आहेत, अशी माहिती प्राप्तिकर विभागातील अधिकृत सूत्रांनी शुक्रवारी दिली.
नोटाबंदीचा निर्णय ८ नोव्हेंबरपासून लागू झाल्यानंतर, करबुडवेगिरीची संभाव्य प्रकरणे शोधून काढण्यासाठी प्राप्तिकर विभागाने संपूर्ण देशभरात सुमारे एक हजार छापे, सर्वेक्षण आणि चौकशा केल्या. करबुडवेगिरी आणि हवालासदृश व्यवहार यांसाठी ५,०५८ व्यक्ती आणि संस्था यांनाही प्राप्तिकर विभागाने नोटिसा पाठवल्या. देशभरातील कारवायांमधून ९१.९९ कोटी रुपयांचे सोने आणि दागिने यांच्यासह १०६.८९ कोटी रुपये किंमतीची, प्रामुख्याने दोन हजार रुपयांच्या नवीन नोटांच्या स्वरूपातील रोकडही जप्त करण्यात आली. मनी लाँडरिंग, बेहिशेबी संपत्ती आणि भ्रष्टाचार आदी आर्थिक गुन्ह्यांच्या तपासासाठी प्राप्तिकर विभागाने एकूण ४८७ प्रकरणे सीबीआय आणि सक्तवसुली संचालनालय (ईडी) यांसारख्या अन्य यंत्रणांकडे सोपवली आहेत.
वृत्तसंस्था, नवी दिल्ली
पाचशे व हजार रुपयांच्या नोटा चलनातून बाद केल्यानंतर गुरुवारपर्यंत काळा पैसाधारकांविरोधात देशभरात प्राप्तिकर विभागाने केलेल्या कारवाईमध्ये तब्बल ४,३१३.७९ कोटी रुपयांहून अधिक अघोषित रक्कम उघड झाली आहे. शिवाय ५५४.६ कोटी रुपयांची रोकड आणि दागिने जप्त करण्यात आले आहेत, अशी माहिती प्राप्तिकर विभागातील अधिकृत सूत्रांनी शुक्रवारी दिली.
नोटाबंदीचा निर्णय ८ नोव्हेंबरपासून लागू झाल्यानंतर, करबुडवेगिरीची संभाव्य प्रकरणे शोधून काढण्यासाठी प्राप्तिकर विभागाने संपूर्ण देशभरात सुमारे एक हजार छापे, सर्वेक्षण आणि चौकशा केल्या. करबुडवेगिरी आणि हवालासदृश व्यवहार यांसाठी ५,०५८ व्यक्ती आणि संस्था यांनाही प्राप्तिकर विभागाने नोटिसा पाठवल्या. देशभरातील कारवायांमधून ९१.९९ कोटी रुपयांचे सोने आणि दागिने यांच्यासह १०६.८९ कोटी रुपये किंमतीची, प्रामुख्याने दोन हजार रुपयांच्या नवीन नोटांच्या स्वरूपातील रोकडही जप्त करण्यात आली. मनी लाँडरिंग, बेहिशेबी संपत्ती आणि भ्रष्टाचार आदी आर्थिक गुन्ह्यांच्या तपासासाठी प्राप्तिकर विभागाने एकूण ४८७ प्रकरणे सीबीआय आणि सक्तवसुली संचालनालय (ईडी) यांसारख्या अन्य यंत्रणांकडे सोपवली आहेत.