वृत्तसंस्था, नवी दिल्ली
डॉलरच्या तुलनेत रुपयाने मंगळवारी सत्तरची पातळी ओलांडल्याच्या पार्श्वभूमीवर लवकरच तो ७२पर्यंत घसरेल, अशी शक्यता आर्थिक विश्लेषकांनी व्यक्त केली आहे. रुपयाची मोठी घसरण होत असतानाच त्याचा पहिला फटका म्हणून महागाई वाढण्याची शक्यता आहे. तुर्कीचे चलन लिरा मोठ्या प्रमाणात घसरल्यामुळे अन्य देशांच्या चलनावरील दबाव वाढला आहे. त्यामुळे डॉलर मजबूत होत आहे.
कच्चे तेल भडकणार?
तज्ज्ञांच्या मते डॉलर मजबूत होत असल्याने कच्च्या तेलाचे दर आणखी भडकण्याची शक्यता आहे. त्यामुळे पेट्रोल, डिझेल, सीएनजी आणि पीएनजीच्या दरात वाढ होण्याची भीती आहे. इंधनाचे दर वाढल्यास वाहतूक खर्चाता वाढ होऊन खाद्यपदार्थांच्या किमतीतीही वाढ होण्याची शक्यता आहे. कच्च्या तेलाच्या खरेदीसाठी जितके अधिक डॉलर मोजाले लागतील, तितके त्याचे वाईट परिणाम आगामी काळात भोगावे लागण्याची शक्यता आहे.
विदेशी गुंतवणूक घटणार?
रुपयाची घसरण अशीच चालू राहिली तर विदेशी गुंतवणूकदार हात आखडता घेण्याची तसेच, शेअर बाजारातून केलेली गुंतवणूक मागे घेण्याची शक्यता आहे. त्यामुळे ज्या कंपन्यांमध्ये विदेशी गुंतवणूक आहे, त्यांना फटका बसण्याची शक्यता आहे. कंपन्यांमधून डॉलर काढून घेतल्यास त्यांच्या शेअरच्या किमती घसरण्याची भीती आहे.
व्याजदरवाढीची भीती
‘एचडीएफसी बँके’चे अर्थतज्ज्ञ अभिक बारूआ यांच्या मते रुपयाच्या घसरणीचा परिणाम सप्टेंबर आणि ऑक्टोबरमध्ये दिसण्याची शक्यता आहे. रुपयाची घसरण अशीच चालू राहिल्यास महागाई वाढण्याची शक्यता आहे. महागाईवर नियंत्रण मिळविण्याच्या दृष्टीने रिझर्व्ह बँकेतर्फे आगामी पतधोरण आढाव्यात रेपो दरात आणखी टक्का वाढ करण्याची शक्यता आहे. रुपयातील ही अनिश्चितता आणखी काही काळ अशीच राहण्याची शक्यताही बारूआ यांनी व्यक्त केली. त्यामुळे विदेशी गुंतवणूकदार भारतात गुंतवलेली गुंतवणूक काढून जपान आणि अमेरिकेत गुंतवण्याचीही शक्यता आहे.
डॉलरच्या तुलनेत रुपयाने मंगळवारी सत्तरची पातळी ओलांडल्याच्या पार्श्वभूमीवर लवकरच तो ७२पर्यंत घसरेल, अशी शक्यता आर्थिक विश्लेषकांनी व्यक्त केली आहे. रुपयाची मोठी घसरण होत असतानाच त्याचा पहिला फटका म्हणून महागाई वाढण्याची शक्यता आहे. तुर्कीचे चलन लिरा मोठ्या प्रमाणात घसरल्यामुळे अन्य देशांच्या चलनावरील दबाव वाढला आहे. त्यामुळे डॉलर मजबूत होत आहे.
कच्चे तेल भडकणार?
तज्ज्ञांच्या मते डॉलर मजबूत होत असल्याने कच्च्या तेलाचे दर आणखी भडकण्याची शक्यता आहे. त्यामुळे पेट्रोल, डिझेल, सीएनजी आणि पीएनजीच्या दरात वाढ होण्याची भीती आहे. इंधनाचे दर वाढल्यास वाहतूक खर्चाता वाढ होऊन खाद्यपदार्थांच्या किमतीतीही वाढ होण्याची शक्यता आहे. कच्च्या तेलाच्या खरेदीसाठी जितके अधिक डॉलर मोजाले लागतील, तितके त्याचे वाईट परिणाम आगामी काळात भोगावे लागण्याची शक्यता आहे.
विदेशी गुंतवणूक घटणार?
रुपयाची घसरण अशीच चालू राहिली तर विदेशी गुंतवणूकदार हात आखडता घेण्याची तसेच, शेअर बाजारातून केलेली गुंतवणूक मागे घेण्याची शक्यता आहे. त्यामुळे ज्या कंपन्यांमध्ये विदेशी गुंतवणूक आहे, त्यांना फटका बसण्याची शक्यता आहे. कंपन्यांमधून डॉलर काढून घेतल्यास त्यांच्या शेअरच्या किमती घसरण्याची भीती आहे.
व्याजदरवाढीची भीती
‘एचडीएफसी बँके’चे अर्थतज्ज्ञ अभिक बारूआ यांच्या मते रुपयाच्या घसरणीचा परिणाम सप्टेंबर आणि ऑक्टोबरमध्ये दिसण्याची शक्यता आहे. रुपयाची घसरण अशीच चालू राहिल्यास महागाई वाढण्याची शक्यता आहे. महागाईवर नियंत्रण मिळविण्याच्या दृष्टीने रिझर्व्ह बँकेतर्फे आगामी पतधोरण आढाव्यात रेपो दरात आणखी टक्का वाढ करण्याची शक्यता आहे. रुपयातील ही अनिश्चितता आणखी काही काळ अशीच राहण्याची शक्यताही बारूआ यांनी व्यक्त केली. त्यामुळे विदेशी गुंतवणूकदार भारतात गुंतवलेली गुंतवणूक काढून जपान आणि अमेरिकेत गुंतवण्याचीही शक्यता आहे.