सारस्वत बँकेची निवड

मुंबई ः राज्यातील दहा जिल्ह्यांतून रेशन दुकानांसाठी व्यावसायिक प्रतिनिधीत्व करण्यासाठी तसेच आधारसंलग्न पेमेंट सेवा पुरवण्यासाठी राज्य सरकारने सारस्वत बँकेची निवड केली आहे. यामुळे राज्यातील सुमारे ५१ हजार रेशन दुकानांसाठी परवडणाऱ्या दरांत आर्थिक सेवा मिळणार असून ही सर्व दुकाने सारस्वत बँकेचे व्यावसायिक प्रतिनिधी म्हणून कार्यरत होतील. या दुकानांतून विविध बँकिंग सेवा नागरिकांना उपलब्ध होतील. या दुकानांच्या माध्यमातून कोणत्याही बँकेच्या ग्राहकाला व्यवहार करता येतील. सारस्वत बँकेसह अन्य तीन खासगी बँकांचीही निवड यासाठी राज्य सरकारने केली आहे. सारस्वत बँकेची निवड सांगली, पुणे, सिंधुदुर्ग, कोल्हापूर, अकोला, नागपूर, जळगाव, सोलापूर, रत्नागिरी व नाशिक या जिल्ह्यांसाठी झाली आहे.