सारस्वत बँकेचा शतकमहोत्सव आज

मुंबई ः देशातील सर्वात मोठी सहकारी बँक असलेल्या सारस्वत बँकेचे शतक महोत्सवी वर्ष आज, १४ सप्टेंबरपासून सुरू होत आहे. शतक महोत्सवी वर्षाच्या शुभारंभाचा कार्यक्रम गुरुवारी दुपारी चार वाजता माटुंगा पूर्व येथील षण्मुखानंद सभागृहात होणार आहे.

या कार्यक्रमाला राज्याचे मुख्यमंत्री देवेंद्र फडणवीस, केंद्रीय रस्ते वाहतूकमंत्री नितीन गडकरी, उद्योगमंत्री सुरेश प्रभू, मनुष्यबळविकास मंत्री डॉ. सत्यपाल सिंह आदी राजकीय नेते उपस्थित राहणार आहेत. यापैकी सुरेश प्रभू हे बँकेचे माजी अध्यक्षही आहेत. शतकमहोत्सवाचा प्रारंभ करण्यासाठी या मान्यवारंबरोबरच रिझर्व्ह बँकेचे कार्यकारी संचालक सुदर्शन सेन व ज्येष्ठ समाजसेवक प्रकाश आमटे हेही उपस्थित राहणार आहेत.
या कार्यक्रमात सारस्वत बँकेतर्फे ग्राहकांसाठी क्रेडिट कार्ड व प्रीपेड कार्ड यांचे अनावरण करण्यात येईल. पंजाब व महाराष्ट्र सहकारी बँकेनंतर स्वतःचे क्रेडिट कार्ड व प्रीपेड कार्ड देणारी सारस्वत बँक ही दुसरी सहकारी बँक ठरली आहे.