एसबीआय डेबिट कार्ड बंद करणार ?

मुंबई: पुढील पाच वर्षांत डेबिट कार्ड बंद करण्याचा विचार 'स्टेट बँक ऑफ इंडिया' करतं आहे. सर्व आर्थिक व्यवहार डिजीटल व्हावे या दृष्टीकोनातून एसबीआय हे पाऊल उचलणार असल्याची माहिती संचालक रजनीश कुमार यांनी दिली आहे.

सध्या देशभरात ९० कोटी डेबिट कार्ड आणि ३ कोटी क्रेडिट कार्ड वापरात आहेत. हे प्लास्टिक कार्ड पूर्णपणे बंद होऊन सर्व आर्थिक व्यवहार डिजीटल ट्रान्झॅक्शन्स आणि क्युआरकोडच्या माध्यमातून होतील अशी आशा कुमार यांनी व्यक्त केली आहे. एसबीआयच्या देशभरातील अनेक एटीएम्समध्ये 'योनो' सुविधा देण्यात आली आहे. या सुविधेमुळे फक्त मोबाइलच्या साहाय्याने पैसे काढता येतात. तसंच खरेदी-विक्रीचे व्यवहारही योनोच्या साहाय्याने करता सहज करता येतात.

तसंच योनोच्या मदतीने खरेदी विक्रीचे व्यवहारही करता येतात. बँकेच्या ग्राहकांनी योनो सुविधेचा पुरेपूर वापर केला तर डेबिट कार्डची गरजच उरणार नाही. सध्या देशात ६८,००० योनो सुविधा देणारे एटीएम आहे. पुढील १८ महिन्यां ही संख्या १० लाखांवर नेण्याचा स्टेट बँकेचा मानस आहे.