म. टा. खास प्रतिनिधी, मुंबई
अमेरिकेकडून व्यापारविषयक नियमांमध्ये फेरफार करण्यात आल्यामुळे, आयातशुल्क वाढवण्यात आल्यामुळे निर्माण झालेल्या ट्रेड वॉरची स्थिती काहीशी निवळल्याचा परिणाम देशातील भांडवल बाजारांवर सोमवारी दिसून आला. यामुळे मुंबई शेअर बाजाराच्या सेन्सेक्सने एकाच दिवसाती वाढीचा गेल्या दोन वर्षांचा उच्चांक गाठला. सेन्सेक्स दिवसअखेर ६१०.८० अंकांनी उसळी घेत ३३९१७.९४ या पातळीवर गेला. राष्ट्रीय शेअर बाजाराचा निफ्टीही १९४.५५ अंक वर जात १०४२१.४० या पातळीवर स्थिरावला.
यापूर्वी सेन्सेक्सने एका दिवसात अशी उसळी १ मार्च २०१६ रोजी घेतली होती. त्या दिवशी सेन्सेक्स ७७७.३५ अंक झेपावला होता. गुंतवणूकदारांनी धातू, तेल व वायू, एफएमसीजी, बँकिंग, ऊर्जा, पायाभूत सुविधा, आयटी, वाहन व यंत्रसामग्री या क्षेत्रांतील कंपन्यांना झुकते माप दिल्याचे स्पष्ट झाले. या सर्व क्षेत्रांचे क्षेत्रीय निर्देशांक वधारले. या क्षेत्रांतून परदेशी गुंतवणुकीचा ओघही मोठ्या प्रमाणावर वाढलेला दिसून आला. आयआयपी व महागाई दराने सरकारला दिलेला दिलासाही बाजाराच्या पथ्यावर पडला. दिवसभरात मुंबई शेअर बाजारात देशी फंड आणि रिटेल गुंतवणूकदारांनी मोठ्या प्रमाणावर भागखरेदी केली. राष्ट्रीय शेअर बाजारातही भागखरेदीचा जोर दिसून आला. यामुळे निफ्टी १९४.५५ अंकांनी वधारला.
दिवसभरात भारती एअरटेलच्या भागांना सर्वाधिक फायदा होऊन या कंपनीचा एक शेअर ४.६८ टक्के वर गेला. आयटीसीचा भाग ४.०९ टक्के तर एनटीपीसीचा भाग ४.३३ टक्के वधारला. टाटा स्टील, अॅक्सिस बँक, आयसीआयसीआय बँक, येस बँक, अदानी पोर्ट, ओएनजीसी, विप्रो, इन्फोसिस, रिलायन्स इंडस्ट्रीज, हिंदुस्थान युनिलिव्हर, सन फार्मा, कोटक बँक, एचडीएफसी बँक, टीसीएस, एशियन पेन्ट्स या कंपन्यांना दिवसभरात फायदा झाला.
- वाहन उद्योगातील कंपन्यांचे भाग वधारले
- आशियाई व युरोपीय भांडवल बाजारही वर गेले
- मिडकॅप कंपन्यांचे लक्षणीय योगदान राहिले
अमेरिकेकडून व्यापारविषयक नियमांमध्ये फेरफार करण्यात आल्यामुळे, आयातशुल्क वाढवण्यात आल्यामुळे निर्माण झालेल्या ट्रेड वॉरची स्थिती काहीशी निवळल्याचा परिणाम देशातील भांडवल बाजारांवर सोमवारी दिसून आला. यामुळे मुंबई शेअर बाजाराच्या सेन्सेक्सने एकाच दिवसाती वाढीचा गेल्या दोन वर्षांचा उच्चांक गाठला. सेन्सेक्स दिवसअखेर ६१०.८० अंकांनी उसळी घेत ३३९१७.९४ या पातळीवर गेला. राष्ट्रीय शेअर बाजाराचा निफ्टीही १९४.५५ अंक वर जात १०४२१.४० या पातळीवर स्थिरावला.
यापूर्वी सेन्सेक्सने एका दिवसात अशी उसळी १ मार्च २०१६ रोजी घेतली होती. त्या दिवशी सेन्सेक्स ७७७.३५ अंक झेपावला होता. गुंतवणूकदारांनी धातू, तेल व वायू, एफएमसीजी, बँकिंग, ऊर्जा, पायाभूत सुविधा, आयटी, वाहन व यंत्रसामग्री या क्षेत्रांतील कंपन्यांना झुकते माप दिल्याचे स्पष्ट झाले. या सर्व क्षेत्रांचे क्षेत्रीय निर्देशांक वधारले. या क्षेत्रांतून परदेशी गुंतवणुकीचा ओघही मोठ्या प्रमाणावर वाढलेला दिसून आला. आयआयपी व महागाई दराने सरकारला दिलेला दिलासाही बाजाराच्या पथ्यावर पडला. दिवसभरात मुंबई शेअर बाजारात देशी फंड आणि रिटेल गुंतवणूकदारांनी मोठ्या प्रमाणावर भागखरेदी केली. राष्ट्रीय शेअर बाजारातही भागखरेदीचा जोर दिसून आला. यामुळे निफ्टी १९४.५५ अंकांनी वधारला.
दिवसभरात भारती एअरटेलच्या भागांना सर्वाधिक फायदा होऊन या कंपनीचा एक शेअर ४.६८ टक्के वर गेला. आयटीसीचा भाग ४.०९ टक्के तर एनटीपीसीचा भाग ४.३३ टक्के वधारला. टाटा स्टील, अॅक्सिस बँक, आयसीआयसीआय बँक, येस बँक, अदानी पोर्ट, ओएनजीसी, विप्रो, इन्फोसिस, रिलायन्स इंडस्ट्रीज, हिंदुस्थान युनिलिव्हर, सन फार्मा, कोटक बँक, एचडीएफसी बँक, टीसीएस, एशियन पेन्ट्स या कंपन्यांना दिवसभरात फायदा झाला.
- वाहन उद्योगातील कंपन्यांचे भाग वधारले
- आशियाई व युरोपीय भांडवल बाजारही वर गेले
- मिडकॅप कंपन्यांचे लक्षणीय योगदान राहिले