मुंबई: सलग दोन सत्रांमध्ये एकूण ९०० अंकांनी घसरलेला मुंबई शेअर बाजाराचा निर्देशांक बुधवारी काहीसा सावरला. कच्च्या इंधनाच्या किमतीत प्रतिबॅरल सुमारे तीन डॉलरची घसरण निर्देशांकाच्या पथ्यावर पडली. या आंतरराष्ट्रीय घडामोडींमुळे गुंतवणूकदारांचा उत्साह परतला व ऊर्जा, धातू आदी समभागांना मोठी मागणी निर्माण झाली. यामुळे मुंबई शेअर बाजाराचा निर्देशांक बुधवारी ८२ अंकांनी वधारून ३६५६३वर स्थिरावला. राष्ट्रीय शेअर बाजाराच्या निर्देशांकाने २३ अंकांच्या वाढीसह १०८४०चा टप्पा गाठला.
टाटा स्टील, वेदांता, स्टेट बँक, टेक महिंद्रा, बजाज फायनान्स, एशियन पेण्ट्स, महिंद्रा अँड महिंद्रा, एनटीपीसी आणि पॉवरग्रीडच्या समभागांचे मूल्य ३.९५ टक्क्यांपर्यंत वधारले. दुसरीकडे, ओएनजीसी, येस बँक, भारती एअरटेल, एचडीएफसी बँक, सन फार्मा आणि मारुती सुझुकीचे समभाग मात्र दोन टक्क्यांपर्यंत घसरले.
रुपयाही वधारला
आंतरराष्ट्रीय बाजारात कच्च्या इंधनाच्या दरात घसरण झाल्याचा रुपयालाही लाभ झाला. अमेरिकी डॉलरच्या तुलनेत रुपया ५४ पैशांनी वधारला व त्याने ७१.२४ या नव्या विनिमय दराची नोंद केली.
टाटा स्टील, वेदांता, स्टेट बँक, टेक महिंद्रा, बजाज फायनान्स, एशियन पेण्ट्स, महिंद्रा अँड महिंद्रा, एनटीपीसी आणि पॉवरग्रीडच्या समभागांचे मूल्य ३.९५ टक्क्यांपर्यंत वधारले. दुसरीकडे, ओएनजीसी, येस बँक, भारती एअरटेल, एचडीएफसी बँक, सन फार्मा आणि मारुती सुझुकीचे समभाग मात्र दोन टक्क्यांपर्यंत घसरले.
रुपयाही वधारला
आंतरराष्ट्रीय बाजारात कच्च्या इंधनाच्या दरात घसरण झाल्याचा रुपयालाही लाभ झाला. अमेरिकी डॉलरच्या तुलनेत रुपया ५४ पैशांनी वधारला व त्याने ७१.२४ या नव्या विनिमय दराची नोंद केली.