सेन्सेक्स उसळला

मुंबई ः गेल्या काही दिवसांपासून सातत्याने घसरत चाललेला भांडवल बाजार मंगळवारी अचानक उसळला आणि सर्वत्र आशादायी चित्र निर्माण झाले. मुंबई शेअर बाजाराचा सेन्सेक्स ४०६ अंकांनी वधारला, तर राष्ट्रीय शेअर बाजाराचा निफ्टी १२४ अंकांनी वर गेला. सोन्याच्या भावातही वाढ दिसून आली, मात्र रुपया अमेरिकी डॉलरच्या तुलनेत ३२ पैसे गडगडला.

केंद्रीय अर्थमंत्री अरुण जेटली यांनी कर कमी हवेत असे केलेले विधान तसेच दीर्घकालीन भांडवली लाभांवर कर आकारणी होणार नसल्याचे केलेले सूतोवाच भांडवल बाजाराच्या पथ्यावर पडले असल्याचे तज्ज्ञांचे मत आहे. ८ डिसेंबरनंतर प्रथमच सेन्सेक्स इतक्या मोठ्या प्रमाणावर उसळला.