मुंबईच्या सेवाकर संकलनात २५ टक्के वाढ

मुंबई ः नोटाबंदीची मोहीम सुरू असतानाही सेवाकराच्या मुंबई क्षेत्राने या कराच्या संकलनात नोव्हेंबर महिन्यात बाजी मारली आहे. सेवाकराचे मुंबईसाठी दिलेले लक्ष्यही या विभागाने केव्हाच पूर्ण केले आहे. मुंबईच्या सेवाकर संकलनात २५.५ टक्के वाढ झाली असून नोव्हेंबरअखेर हे संकलन १० हजार ३६२ कोटी रुपयांनी वाढून ५१ हजार ६२ कोटी रुपये झाले आहे.

मुंबई विभागाला सेवाकराचे ७६ हजार ३०० कोटी रुपयांचे लक्ष्य देण्यात आले होते. या लक्ष्यापेक्षा ४ हजार ९५४ कोटी रुपयांनी अधिक संकलन या विभागाने केले आहे.