टाइम्स वृत्त, नवी दिल्ली
कुटुंबातील व्यक्तीचे किंवा नातलगाचे निधन झाले तर अशा दु:खदप्रसंगी आठवडाभर सुटी देण्याचा निर्णय भारतीय स्टेट बँकेने घेतला आहे. सार्वजनिक क्षेत्रातील एखाद्या बँकेने अशाप्रसंगी अधिकृत सुट्टी जाहीर करण्याची ही पहिलीच वेळ आहे.
स्टेट बँकेच्या कर्मचाऱ्याच्या परिवारातील सदस्य अथवा नातेवाइकाचे निधन झाल्यास बँकेच्या नव्या नियमाप्रमाणे संबंधिताला सात दिवसांची ‘पेड लिव्ह’ मिळणार आहे. या व्यतिरिक्त बँकेच्या कर्मचाऱ्यांना अन्य काही सुविधाही देण्यात येणार आहेत. बँकेचे व्यवस्थापकीय संचालक प्रशांत कुमार यांनी दिलेल्या माहितीनुसार, २० हजार रुपयांपर्यंत दरमहा पेन्शन घेणाऱ्या निवृत्त कर्मचाऱ्याला मेडिकल क्लेमच्या प्रीमियममध्ये ७५ टक्के अनुदान देण्यात येणार आहे. २० हजार ते ३० हजार रुपयांदरम्यान पेन्शन घेणाऱ्यांना प्रीमियममध्ये ६० टक्के सवलत देण्यात येणार आहे. या शिवाय स्टेट बँकेच्या कर्मचाऱ्याच्या परिवारातील सदस्यांचे मेडिक्लेम संरक्षण ७५ टक्क्यांवरून १०० टक्क्यांवर करण्यात येणार आहे. नातेवाइकाच्या मृत्युनंतर देण्यात येणाऱ्या सुट्टीमुळे कर्मचाऱ्यांना कुटुंबासमवेत वेळ व्यतित करता येणार आहे. नातेवाइकाच्या व्याख्येमध्ये पत्नी, आई-वडील, सासू-सासरे आणि मुलांचा समावेश करण्यात आला आहे. सुट्टी घेण्यासाठी मृत व्यक्ती कर्मचाऱ्यावर अवलंबून असण्याची आवश्यकता नसल्याचेही बँकेतर्फे स्पष्ट करण्यात आले.
‘फेसबुक’च्या पावलावर पाऊल
अशा प्रकारच्या नवनवीन प्रकारच्या सुट्ट्या देण्याचा पायंडा ‘फेसबुक’ने पाडण्यास सुरुवात केली. त्यानंतर अन्य कंपन्यांनी तो मार्ग चोखाळला. २०१५ मध्ये फेसबुकचे सीओओ सँडबर्ग यांनी पतीच्या निधनानंतर २० दिवसांची सुट्टी देण्याची घोषणा केली होती. या शिवाय टीसीएस, सिप्ला आदी कंपन्यांकडून अशा प्रकारच्या सुट्ट्या कर्मचाऱ्यांना दिल्या जातात.
कुटुंबातील व्यक्तीचे किंवा नातलगाचे निधन झाले तर अशा दु:खदप्रसंगी आठवडाभर सुटी देण्याचा निर्णय भारतीय स्टेट बँकेने घेतला आहे. सार्वजनिक क्षेत्रातील एखाद्या बँकेने अशाप्रसंगी अधिकृत सुट्टी जाहीर करण्याची ही पहिलीच वेळ आहे.
स्टेट बँकेच्या कर्मचाऱ्याच्या परिवारातील सदस्य अथवा नातेवाइकाचे निधन झाल्यास बँकेच्या नव्या नियमाप्रमाणे संबंधिताला सात दिवसांची ‘पेड लिव्ह’ मिळणार आहे. या व्यतिरिक्त बँकेच्या कर्मचाऱ्यांना अन्य काही सुविधाही देण्यात येणार आहेत. बँकेचे व्यवस्थापकीय संचालक प्रशांत कुमार यांनी दिलेल्या माहितीनुसार, २० हजार रुपयांपर्यंत दरमहा पेन्शन घेणाऱ्या निवृत्त कर्मचाऱ्याला मेडिकल क्लेमच्या प्रीमियममध्ये ७५ टक्के अनुदान देण्यात येणार आहे. २० हजार ते ३० हजार रुपयांदरम्यान पेन्शन घेणाऱ्यांना प्रीमियममध्ये ६० टक्के सवलत देण्यात येणार आहे. या शिवाय स्टेट बँकेच्या कर्मचाऱ्याच्या परिवारातील सदस्यांचे मेडिक्लेम संरक्षण ७५ टक्क्यांवरून १०० टक्क्यांवर करण्यात येणार आहे. नातेवाइकाच्या मृत्युनंतर देण्यात येणाऱ्या सुट्टीमुळे कर्मचाऱ्यांना कुटुंबासमवेत वेळ व्यतित करता येणार आहे. नातेवाइकाच्या व्याख्येमध्ये पत्नी, आई-वडील, सासू-सासरे आणि मुलांचा समावेश करण्यात आला आहे. सुट्टी घेण्यासाठी मृत व्यक्ती कर्मचाऱ्यावर अवलंबून असण्याची आवश्यकता नसल्याचेही बँकेतर्फे स्पष्ट करण्यात आले.
‘फेसबुक’च्या पावलावर पाऊल
अशा प्रकारच्या नवनवीन प्रकारच्या सुट्ट्या देण्याचा पायंडा ‘फेसबुक’ने पाडण्यास सुरुवात केली. त्यानंतर अन्य कंपन्यांनी तो मार्ग चोखाळला. २०१५ मध्ये फेसबुकचे सीओओ सँडबर्ग यांनी पतीच्या निधनानंतर २० दिवसांची सुट्टी देण्याची घोषणा केली होती. या शिवाय टीसीएस, सिप्ला आदी कंपन्यांकडून अशा प्रकारच्या सुट्ट्या कर्मचाऱ्यांना दिल्या जातात.