वृत्तसंस्था, मुंबई
सलग दोन दिवसांच्या पडझडीनंतर मुंबई शेअर बाजाराचा निर्देशांक गुरुवारी काहीसा सावरला. दिवसभरात ८६ अंकांची किरकोळ कमाई करणारा निर्देशांक दिवसअखेरीस ३६१९५वर स्थिरावला. राष्ट्रीय शेअर बाजाराच्या निर्देशांकानेही १८ अंकांच्या वाढीसह १०८४९चा टप्पा गाठला.
गेल्या दोन सत्रांमध्ये निर्देशांकात ४७० अंकांची पडझड झाली होती. गुरुवारी सकाळच्या सत्रामध्ये समभागखरेदी व विक्री असे संमिश्र चित्र पहाण्यास मिळाले. यामुळे निर्देशांक सरासरी अडीचशे अंकांनी घसरला व त्याच प्रमाणात सावरलाही. बाजार भांडवलात अग्रस्थानी असणाऱ्या रिलायन्स इंडस्ट्रिजचे समभाग गुरुवारी १.६१ टक्क्यांनी वधारले. त्यामुळे या समभागाने तीन महिन्यांतील उच्चांकी मूल्याची नोंद केली. येस बँकेच्या सीईओपदी रवनीत सिंग गिल यांच्या नावाची घोषणा केल्यानंतर या बँकेचा समभागही आठ टक्क्यांनी उसळला. आयटीसी, टीसीएस, स्टेट बँक, अॅक्सिस बँक, हीरो मोटोकॉर्प, एशियन पेण्टस्, एचसीएल टेक, वेदांता लि., इन्फोसिस, पॉवरग्रीड आदी समभागही वधारले.
टाटा मोटर्स, सन फार्मा, कोटक बँक, कोल इंडिया, बजाज ऑटो, ओएनजीसी, भारती एअरटेल, आयसीआयसीआय बँक, टाटा स्टील, एनटीपीसी, एचयूएल, एचडीएफसी बँक आदी कंपन्यांचे समभाग मात्र घसरले. 'जगभरातील गुंतवणूकदारांनी सध्या सावध पवित्रा घेतला आहे. आपल्या बाजारातही याचे प्रतिबिंब उमटत आहे. त्यामुळे बाजारात सध्या काहीसे अनिश्चिततेचे वातावरण आहे,' असे निरीक्षण बीएलपी परिबास म्युच्युअल फंडाचे विश्लेषक अभिजित डे यांनी नोंदवले.
सलग दोन दिवसांच्या पडझडीनंतर मुंबई शेअर बाजाराचा निर्देशांक गुरुवारी काहीसा सावरला. दिवसभरात ८६ अंकांची किरकोळ कमाई करणारा निर्देशांक दिवसअखेरीस ३६१९५वर स्थिरावला. राष्ट्रीय शेअर बाजाराच्या निर्देशांकानेही १८ अंकांच्या वाढीसह १०८४९चा टप्पा गाठला.
गेल्या दोन सत्रांमध्ये निर्देशांकात ४७० अंकांची पडझड झाली होती. गुरुवारी सकाळच्या सत्रामध्ये समभागखरेदी व विक्री असे संमिश्र चित्र पहाण्यास मिळाले. यामुळे निर्देशांक सरासरी अडीचशे अंकांनी घसरला व त्याच प्रमाणात सावरलाही. बाजार भांडवलात अग्रस्थानी असणाऱ्या रिलायन्स इंडस्ट्रिजचे समभाग गुरुवारी १.६१ टक्क्यांनी वधारले. त्यामुळे या समभागाने तीन महिन्यांतील उच्चांकी मूल्याची नोंद केली. येस बँकेच्या सीईओपदी रवनीत सिंग गिल यांच्या नावाची घोषणा केल्यानंतर या बँकेचा समभागही आठ टक्क्यांनी उसळला. आयटीसी, टीसीएस, स्टेट बँक, अॅक्सिस बँक, हीरो मोटोकॉर्प, एशियन पेण्टस्, एचसीएल टेक, वेदांता लि., इन्फोसिस, पॉवरग्रीड आदी समभागही वधारले.
टाटा मोटर्स, सन फार्मा, कोटक बँक, कोल इंडिया, बजाज ऑटो, ओएनजीसी, भारती एअरटेल, आयसीआयसीआय बँक, टाटा स्टील, एनटीपीसी, एचयूएल, एचडीएफसी बँक आदी कंपन्यांचे समभाग मात्र घसरले. 'जगभरातील गुंतवणूकदारांनी सध्या सावध पवित्रा घेतला आहे. आपल्या बाजारातही याचे प्रतिबिंब उमटत आहे. त्यामुळे बाजारात सध्या काहीसे अनिश्चिततेचे वातावरण आहे,' असे निरीक्षण बीएलपी परिबास म्युच्युअल फंडाचे विश्लेषक अभिजित डे यांनी नोंदवले.