ईटी वृत्त, मुंबई
नोटाबंदीच्या निर्णयानंतर बँकेच्या बचत खात्यांमध्ये मोठ्या प्रमाणावर रक्कम जमा झाल्याने काही अल्पकालीन फंडांमध्ये (शॉर्ट टर्म) गुंतवणूकदारांनी रस दाखवण्यास सुरुवात केली आहे. बचत खात्यामधील जमा रकमेवर सामान्यतः चार टक्के व्याज मिळते. त्या तुलनेत लिक्विड, अल्ट्रा शॉर्ट टर्म आणि आर्बिट्राज फंडांमधील गुंतवणुकीवर अंदाजे सात टक्क्यांपर्यंत परतावा मिळतो.
लिक्विड योजनांची मुदत तीन महिन्यांपर्यंत असते. तर, अल्ट्रा शॉर्ट फंडांची मुदत १२ महिन्यांची असते. या फंडांमध्ये करण्यात येणारी गुंतवणूक बँकेच्या बचत खात्याप्रमाणेच पाहिजे तेव्हा काढून घेतली जाऊ शकते. आर्बिट्राज फंडांतील गुंतवणूक इक्विटी फंडांप्रमाणेच असते; ज्यामध्ये रोख रक्कम आणि डेरिव्हेटिव्हज बाजारातील सिक्युरिटीच्या किमतीचा फायदा घेऊन परतावे निश्चित केले जातात. बजाज कॅपिटलचे उपाध्यक्ष राजीव बजाज यांच्या मते सामान्यांची पूर्ण रक्कम बँकेच्या बचत खात्यांमध्ये जमा करण्यात येते. मात्र, हा काही गुंतवणुकीचा पर्याय असू शकत नाही. कारण, त्यातून मिळणारा परतावा महागाईच्या दराच्या जवळपास निम्मा आहे. बचतीची रक्कम गुंतविण्यासाठी लिक्विड आणि शॉर्ट टर्म फंड हा योग्य पर्याय आहे. त्यामुळे तुमची बचत महागाईवर मात करण्यास सक्षम ठरू शकते. बहुतांश व्यापारी, छोटे व्यावसायिक आता जागरूक होत असून, अशाप्रकारच्या म्युच्युअल फंड योजनांमध्ये गुंतवणूक करीत आहेत.
बचतीची रक्कम बचत खात्यांमध्ये जमा करण्यासाठी मागेपुढे पाहणाऱ्यांकडून अधिकाधिक परताव्यासाठी करमुक्त साधनांमध्ये गुंतवणूक केली जाते. आयसीआयसीआय डायरेक्टचे वरिष्ठ उपाध्यक्ष विनीत अरोरा म्हणाले की,‘बचत खात्यांमध्ये जमा झालेली मोठी रक्कम पाहता गुंतवणूकदारांनी लिक्विड किंवा अल्ट्रा शॉर्ट फंडांमध्ये गुंतवणूक करण्याची आवश्यकता आहे. मागील काही काळात केलेल्या ‘अॅसेट अॅलोकेशन’ आणि बचत खात्यातील रकमेपेक्षा अधिक व्याज मिळविण्याची संधी चालून आली आहे.
नोटाबंदीच्या निर्णयानंतर बँकेच्या बचत खात्यांमध्ये मोठ्या प्रमाणावर रक्कम जमा झाल्याने काही अल्पकालीन फंडांमध्ये (शॉर्ट टर्म) गुंतवणूकदारांनी रस दाखवण्यास सुरुवात केली आहे. बचत खात्यामधील जमा रकमेवर सामान्यतः चार टक्के व्याज मिळते. त्या तुलनेत लिक्विड, अल्ट्रा शॉर्ट टर्म आणि आर्बिट्राज फंडांमधील गुंतवणुकीवर अंदाजे सात टक्क्यांपर्यंत परतावा मिळतो.
लिक्विड योजनांची मुदत तीन महिन्यांपर्यंत असते. तर, अल्ट्रा शॉर्ट फंडांची मुदत १२ महिन्यांची असते. या फंडांमध्ये करण्यात येणारी गुंतवणूक बँकेच्या बचत खात्याप्रमाणेच पाहिजे तेव्हा काढून घेतली जाऊ शकते. आर्बिट्राज फंडांतील गुंतवणूक इक्विटी फंडांप्रमाणेच असते; ज्यामध्ये रोख रक्कम आणि डेरिव्हेटिव्हज बाजारातील सिक्युरिटीच्या किमतीचा फायदा घेऊन परतावे निश्चित केले जातात. बजाज कॅपिटलचे उपाध्यक्ष राजीव बजाज यांच्या मते सामान्यांची पूर्ण रक्कम बँकेच्या बचत खात्यांमध्ये जमा करण्यात येते. मात्र, हा काही गुंतवणुकीचा पर्याय असू शकत नाही. कारण, त्यातून मिळणारा परतावा महागाईच्या दराच्या जवळपास निम्मा आहे. बचतीची रक्कम गुंतविण्यासाठी लिक्विड आणि शॉर्ट टर्म फंड हा योग्य पर्याय आहे. त्यामुळे तुमची बचत महागाईवर मात करण्यास सक्षम ठरू शकते. बहुतांश व्यापारी, छोटे व्यावसायिक आता जागरूक होत असून, अशाप्रकारच्या म्युच्युअल फंड योजनांमध्ये गुंतवणूक करीत आहेत.
बचतीची रक्कम बचत खात्यांमध्ये जमा करण्यासाठी मागेपुढे पाहणाऱ्यांकडून अधिकाधिक परताव्यासाठी करमुक्त साधनांमध्ये गुंतवणूक केली जाते. आयसीआयसीआय डायरेक्टचे वरिष्ठ उपाध्यक्ष विनीत अरोरा म्हणाले की,‘बचत खात्यांमध्ये जमा झालेली मोठी रक्कम पाहता गुंतवणूकदारांनी लिक्विड किंवा अल्ट्रा शॉर्ट फंडांमध्ये गुंतवणूक करण्याची आवश्यकता आहे. मागील काही काळात केलेल्या ‘अॅसेट अॅलोकेशन’ आणि बचत खात्यातील रकमेपेक्षा अधिक व्याज मिळविण्याची संधी चालून आली आहे.