फ्लिपकार्टकडे स्नॅपडिलची मालकी?

नवी दिल्ली ः फ्लिपकार्ट या ई-कॉमर्स कंपनीने स्नॅपडिल ही कंपनी खरेदी करण्याची तयारी दाखवली असून ९५० दशलक्ष डॉलरला हा व्यवहार होणार आहे. मात्र यासाठी स्नॅपडिलच्या भागधारकांची मंजुरी मिळणे अद्याप बाकी आहे. या भागधारकांमध्ये रतन टाटा, फॉक्सकॉन, ब्लॅकरॉक व प्रेमजीइन्व्हेस्ट सारखे मोठे भागधारकही आहेत.
स्नॅपडिलमध्ये सर्वाधिक गुंतवणूक असलेल्या सॉफ्टबँकेकडून स्नॅपडिलच्या विक्रीचे प्रयत्न गेल्या काही महिन्यांपासून सुरू आहेत. स्नॅपडिलचे संस्थापक कुणाल बहल व रोहित बन्सल यांना ही कंपनी इन्फिबिम या सूचिबद्ध कंपनीला विकण्यात स्वारस्य आहे. तसे झाले नाही तर स्नॅपडिलने स्वतंत्रच राहावे, अशीही या दोगांची भूमिका आहे. असे झाल्यास स्नॅपडिलला आपल्या व्यवस्याचा आकार कमी करावा लागेल.