करोना: कंपन्यांची विशेष आर्थिक तरतूद

वृत्तसंस्था, नवी दिल्ली : 'कोव्हिड १९'चा वाढता प्रादुर्भाव लक्षात घेता हिरो सायकल्स कंपनीने आपत्कालीन निधी म्हणून १०० कोटी रुपये देण्याचे जाहीर केले आहे. या निधीतून कर्मचारी, पुरवठादार, ग्राहक आणि समुदायांना मदत देण्यात येणार आहे.

सॅनिटायझर निर्मितीसाठी मद्य उत्पादक सरसावले

कंपनीचे कारखाने असलेल्या राज्यांत पंजाब, बिहार आणि उत्तर प्रदेशांत कंपनीने मदतीसाठी राज्य सरकारांशी संपर्क साधला आहे. हिरो मोटर कंपनीच्या उपकंपन्यांनी ब्रिटन आणि जर्मनीतही याच प्रकारचे उपक्रम राबविले आहेत. 'व्यावसायिक मूल्ये आणि मानवी दृष्टिकोन यांची सांगड घालत आम्ही १०० कोटी रुपयांची तरतूद आपत्कालीन निधी म्हणून करीत आहोत. यातून या संकटकाळात आमच्या आजूबाजूची व्यवस्था सावरण्यास मदत होईल,' असे कंपनीचे अध्यक्ष पवन मुंजाल यांनी म्हटले आहे.

करोना : ATM, बँक खात्यांबाबत 'या' घोषणा

तीन महिन्यांत एक कोटी रुपये देणार
सामाजिक दायित्व निधीतून (सीएसआर) येत्या तीन महिन्यांत एक कोटी रुपये खर्च करण्याचे डेव्हलपमेंट क्रेडिट बँकेने ठरविले आहे. करोना विषाणू प्रतिबंधक उपायांसाठी हा निधी वापरण्यात येईल. खासगी कंपन्यांनी 'सीएसआर'च्या माध्यमातून करोनाशी लढण्यासाठी निधी देण्याचे आवाहन केंद्र सरकारने सोमवारी केले होते. त्याला प्रतिसाद देत बँकेने हा निर्णय घेतला आहे.