प्रतिनिधी, मुंबई
महाराष्ट्र राज्य सहकारी बँकेतर्फे लवकरच एक सहकार विद्यापीठ उभारण्यात येणार आहे. यासाठी सोलापूरची निवड करण्यात आली असून हे सहकार विद्यापीठ राज्यातीलच नव्हे तर देशातील या प्रकारचे पहिले शैक्षणिक केंद्र ठरेल. बँकेचे प्रशासक विद्याधर अनास्कर यांनी गुरुवारी एका पत्रकार परिषदेत ही माहिती दिली. बँकेचे जानेवारी ते मार्च या तिमाहीचे तसेच, आर्थिक वर्ष २०१८-१९चे आर्थिक निकालही यावेळी घोषित करण्यात आले.
सहकार हा अतिशय महत्त्वाचा विषय असून शैक्षणिक अभ्यासक्रमात त्याचा समावेश होणे गरजेचे असल्याचे आम्ही सरकारला सुचवले आहे. सहकार क्षेत्रातील संबंधित घटकांसाठी तसेच, विद्यार्थ्यांसाठी आम्ही सहकार विद्यापीठ सुरू करण्याची योजना आखली असून यातून विद्यार्थ्यांना सहकाराची पदवी मिळेल. राज्य सहकारी बँक कोणाच्याही मदतीशिवाय हे विद्यापीठ स्वत:च उभारणार आहे, असे अनास्कर यांनी सांगितले. राज्य सहकारी बँकेची ओळख ही कृषी पतपुरवठा करणारी बँक अशी असली तरी बँकेकडे ४,००४ कोटी रुपयांचा स्वनिधी असल्याने या निधीचा अधिक विनियोग व्हावा यासाठी बँकेने पायाभूत सुविधा क्षेत्रातही गुंतवणूक करण्याचा निर्णय घेतला आहे. यासाठी नाबार्ड व राष्ट्रीय बँकांचे सहकार्य घेण्यात येईल. बँकेच्या स्वनिधीने चार हजार कोटी रुपयांचा टप्पा ओलांडल्याने महानगरपालिका, नगरपालिका व अन्य स्वायत्त संस्थांच्या ठेवी स्वीकारणे राज्य बँकेला शक्य झाले आहे, असेही त्यांनी नमूद केले.
राज्य सहकारी बँकेने दिलेले कर्ज काही ऊस कारखान्यांनी थकवले आहे. मात्र या कर्जाची पतहमी राज्य सरकारने घेतली आहे. तसेच, सर्वोच्च न्यायालयाच्या निकालामुळे या वसुलीचा मार्ग मोकळा झाला असून येत्या काळात राज्य सरकारकडून आम्हाला टप्प्याटप्प्याने १,०४९ कोटी रुपयांची परतफेड होईल, असेही अनास्कर यांनी सांगितले. यावेळी अविनाश महागांवकर, संजय भेंडे हे प्रशासक सदस्य तसेच, बँकेचे अधिकारी, कर्मचारी उपस्थित होते.
३१६ कोटींचा नफा
२०१८-१९ या आर्थिक वर्षात या बँकेने ३१६ कोटी रुपये नफ्याची निव्वळ नोंद केली आहे. तसेच, बँकेच्या निव्वळ अनुत्पादक कर्जाचे प्रमाण १.१५ टक्के एवढे अत्यल्प आहे. बँकेचा एकूण व्यवसाय ३५,५४०कोटी रुपयांवर पोहोचला आहे.
महाराष्ट्र राज्य सहकारी बँकेतर्फे लवकरच एक सहकार विद्यापीठ उभारण्यात येणार आहे. यासाठी सोलापूरची निवड करण्यात आली असून हे सहकार विद्यापीठ राज्यातीलच नव्हे तर देशातील या प्रकारचे पहिले शैक्षणिक केंद्र ठरेल. बँकेचे प्रशासक विद्याधर अनास्कर यांनी गुरुवारी एका पत्रकार परिषदेत ही माहिती दिली. बँकेचे जानेवारी ते मार्च या तिमाहीचे तसेच, आर्थिक वर्ष २०१८-१९चे आर्थिक निकालही यावेळी घोषित करण्यात आले.
सहकार हा अतिशय महत्त्वाचा विषय असून शैक्षणिक अभ्यासक्रमात त्याचा समावेश होणे गरजेचे असल्याचे आम्ही सरकारला सुचवले आहे. सहकार क्षेत्रातील संबंधित घटकांसाठी तसेच, विद्यार्थ्यांसाठी आम्ही सहकार विद्यापीठ सुरू करण्याची योजना आखली असून यातून विद्यार्थ्यांना सहकाराची पदवी मिळेल. राज्य सहकारी बँक कोणाच्याही मदतीशिवाय हे विद्यापीठ स्वत:च उभारणार आहे, असे अनास्कर यांनी सांगितले. राज्य सहकारी बँकेची ओळख ही कृषी पतपुरवठा करणारी बँक अशी असली तरी बँकेकडे ४,००४ कोटी रुपयांचा स्वनिधी असल्याने या निधीचा अधिक विनियोग व्हावा यासाठी बँकेने पायाभूत सुविधा क्षेत्रातही गुंतवणूक करण्याचा निर्णय घेतला आहे. यासाठी नाबार्ड व राष्ट्रीय बँकांचे सहकार्य घेण्यात येईल. बँकेच्या स्वनिधीने चार हजार कोटी रुपयांचा टप्पा ओलांडल्याने महानगरपालिका, नगरपालिका व अन्य स्वायत्त संस्थांच्या ठेवी स्वीकारणे राज्य बँकेला शक्य झाले आहे, असेही त्यांनी नमूद केले.
राज्य सहकारी बँकेने दिलेले कर्ज काही ऊस कारखान्यांनी थकवले आहे. मात्र या कर्जाची पतहमी राज्य सरकारने घेतली आहे. तसेच, सर्वोच्च न्यायालयाच्या निकालामुळे या वसुलीचा मार्ग मोकळा झाला असून येत्या काळात राज्य सरकारकडून आम्हाला टप्प्याटप्प्याने १,०४९ कोटी रुपयांची परतफेड होईल, असेही अनास्कर यांनी सांगितले. यावेळी अविनाश महागांवकर, संजय भेंडे हे प्रशासक सदस्य तसेच, बँकेचे अधिकारी, कर्मचारी उपस्थित होते.
३१६ कोटींचा नफा
२०१८-१९ या आर्थिक वर्षात या बँकेने ३१६ कोटी रुपये नफ्याची निव्वळ नोंद केली आहे. तसेच, बँकेच्या निव्वळ अनुत्पादक कर्जाचे प्रमाण १.१५ टक्के एवढे अत्यल्प आहे. बँकेचा एकूण व्यवसाय ३५,५४०कोटी रुपयांवर पोहोचला आहे.