शेअर बाजारात तेजी कायम, जाणून घ्या आज कोणत्या शेअर्सने मिळवून दिला सर्वाधिक फायदा

मुंबई : परदेशी गुंतवणूकदारांनी केलेल्या खरेदीमुळे देशांतर्गत शेअर बाजारात बुधवारी सलग चौथ्या व्यवहारी दिवशी तेजी कायम राहिली आणि सेन्सेक्सने ६०,००० चा टप्पा ओलांडला.

शेअर बाजार साडेचार महिन्यांच्या उच्चांकावर
आज म्हणजेच बुधवारी शेअर बाजार साडेचार महिन्यांच्या उच्चांकावर बंद झाला. मुंबई शेअर बाजाराचा प्रमुख निर्देशांक सेन्सेक्स ४१७.९२ अंकांनी वाढून ६०,२६०.१३ अंकांवर बंद झाला. ट्रेडिंग सत्रादरम्यान सेन्सेक्सने ६०,३२३.२५ चा उच्चांकही गाठला. यापूर्वी सेन्सेक्सने ५ एप्रिल रोजी सेन्सेक्स ६० हजार अंकांच्या पुढे गेला होता. सेन्सेक्स त्यावेळी ६०,१७६.५० अंकांवर बंद झाला होता. दुसरीकडे, राष्ट्रीय शेअर बाजाराचा मुख्य निर्देशांक निफ्टी बुधवारी ११९ अंकांच्या वाढीसह १७,९४४.२५ अंकांवर बंद झाला. शेवटच्या वेळी निफ्टी ५ एप्रिल रोजी १७,९०० च्या वर दिसला होता. त्या दिवशी निफ्टी १७,९५७.४० अंकांवर बंद झाला.

वाचा - Rakesh Jhunjhunwala: ३०० कोटींची संपत्ती उभारलेल्या राकेश झुनझुनवाला यांना शेअर बाजाराची ABCD कोणी शिकवली?

सेन्सेक्स पॅकमध्ये बजाज फिनसर्व्ह, बजाज फायनान्स, भारती एअरटेल, टेक महिंद्रा, एचसीएल टेक्नॉलॉजीज, एनटीपीसी, विप्रो आणि हिंदुस्थान युनिलिव्हर यांना प्रामुख्याने फायदा झाला. तर दुसरीकडे, तोट्यात असलेल्या शेअर्समध्ये महिंद्रा अँड महिंद्रा, मारुती, अल्ट्राटेक सिमेंट आणि पॉवर ग्रिड यांचा समावेश आहे.

वाचा - या शेअर्समुळे झुनझुनवाला झाले अब्जाधीश; मालामाल करणारे 'हे' शेअर्स तुमच्याकडे आहेत का?

दरम्यान, आशियातील इतर बाजारांमध्ये चीनचा शांघाय कंपोझिट, जपानचा निक्की आणि हाँगकाँगचा हँग सेंग वधारला, तर दक्षिण कोरियाचा कोस्पी तोट्यात गेला. त्याचवेळी युरोपातील प्रमुख बाजारपेठांमध्ये व्यवसायात मंदीचे वातावरण होते. मंगळवारी अमेरिकन शेअर बाजार तेजीसह बंद झाला.

वाचा - फक्त दीड वर्षात १ लाखाचे झाले ५० लाख, गुंतवणूकदार कसे झाले मालामाल जाणून घ्या...

ऑगस्टमध्ये गुंतवणूकदारांची कमाई
ऑगस्ट महिन्यात गुंतवणूकदारांनी शेअर बाजारात चांगली कमाई केली आहे. विशेषत: कमी महागाईमुळे बाजारात रिकव्हरी वेगाने झाली आहे. शेअर बाजारातील गुंतवणूकदारांचे नुकसान आणि नफा बीएसईच्या मार्केट कॅपशी जोडलेले आहेत. ऑगस्ट महिन्यात सणासुदीमुळे काही दिवस शेअर बाजार बंद होता, त्यानंतरही बीएसईच्या मार्केट कॅपमध्ये ९.५० लाख कोटी रुपयांची वाढ झाली आहे. अशा परिस्थितीत आता तुम्ही कल्पना करू शकता की शेअर बाजाराने किती वेग पकडला आहे.