विजय मल्ल्यांना विचारणा

नवी दिल्ली : मद्यसम्राट विजय मल्ल्या यांनी ४० दशलक्ष डॉलर मुलांच्या नावे देशाबाहेर पाठवल्याप्रकरणी सर्वोच्च न्यायालयाने गुरूवारी मल्ल्यांच्या वकिलांवर प्रश्नांची सरबत्ती केली. मुलांच्या नावे देशाबाहेर इतकी मोठी रक्कम पाठवल्याप्रकरणी मल्ल्यांनी यांनी दिलेल्या कारणांच्या सत्यतेवर न्यायालयाने प्रश्नचिन्ह उपस्थित केले.

न्यायाधीश आदर्श कुमार गोयल व यू. यू. ललित यांनी मल्ल्यांचे वकिल सी. एस. वैद्यनाथन यांना प्रश्न विचारले. मल्ल्यांनी देशाबाहेर नेलेली ही रक्कम बँकांकडे जमा करावी, यासाठी न्यायालयात बँकांच्या गटाने सादर केलेल्या दोन्ही याचिकांवरील निकाल यावेळी न्यायालयाने राखून ठेवला. पीठाने यावेळी विचारले की, मल्ल्या यांनी त्यांची मत्ता खरोखरच जाहीर केली आहे काय? कर्नाटक उच्च न्यायालयाचा आदेश धुडकावून ४० दशलक्ष डॉलर देशाबाहेर नेले नाहीत काय? असा सवालही या पीठाने मल्ल्यांच्या वकिलांना केला.