कर्मचाऱ्यांना ‘सेकंड जॉब’साठी मुभा; फूड डिलिव्हरी कंपनीची अनोखी ऑफर, फक्त 'या' अटी

नवी दिल्ली : ‘स्विगी’ कंपनीने ‘मूनलाइटिंग पॉलिसी’ लागू केली असून, त्यानुसार कंपनीच्या परवानगीने कर्मचारी बाहेरील कामेही घेऊ शकणार आहेत. औद्योगिक क्षेत्रामध्ये पहिल्यांदाच अशा पद्धतीची योजना आणल्याचा दावा केला जात आहे.

या वेळात इतर कामे
कंपनीने प्रसिद्ध केलेल्या पत्रकानुसार, ऑफिसच्या वेळांव्यतिरिक्त किंवा वीकएंडला कर्मचाऱ्यांना अशी कामे करता येतील. ऑफिसच्या हितसंबंधांच्या आड अशी कामे येऊ नयेत, अशा रीतीने या काळात दुसऱ्या ठिकाणी पूर्ण वेळ काम केले, तरी हरकत नाही, असे कंपनीने म्हटले आहे. गेल्या आठवड्यात ‘स्विगी’ने कायमस्वरुपी ‘वर्क फ्रॉम एनीव्हेअर’ योजना लागू केली होती.

वाचा - महागाईचा झटका; रिझर्व्ह बँकेकडून रेपो दरात वाढ; जाणून घ्या तुमच्या तुमच्या कर्जाचा EMI किती वाढणार

मूनलाइटिंग पॉलिसी म्हणजे काय?
- कर्मचाऱ्यांना ‘सेकंड जॉब’ करण्यास मुभा

- मूळ नोकरीला बाधा येणार नाही, त्या कंपनीच्या हितसंबंधांना कुठलाही तडा जाणार नाही, कंपनीच्या उत्पादकतेवर कुठलाही परिणाम होणार नाही अशा अटींवर अन्य ठिकाणी काम करण्यास मुभा

वाचा - महागाईचा झटका; रिझर्व्ह बँकेकडून रेपो दरात वाढ; जाणून घ्या तुमच्या तुमच्या कर्जाचा EMI किती वाढणार

योजनेमागील भावना
- करोनाकाळातील लॉकडाउनदरम्यान अनेकांनी नवे छंद जोपासले. नवे आर्थिक स्रोत निर्माण केले.

- ‘एनजीओ’मध्ये प्रतिनिधी म्हणून काम करणे असो, नृत्य मार्गदर्शक असो किंवा ‘सोशल मीडिया’मध्ये कंटेंट तयार करण्याचे काम अशा मार्गांनी नवे पर्याय अनेकांनी शोधले.

- कंपनीच्या हितसंबंधांना बाधा न आणता अशा प्रकारचे इतर काम कर्मचाऱ्यांनी केले, तर कंपनीच्या आणि कर्मचाऱ्यांचा वैयक्तिक विकास होण्यास हातभार लागेल, अशी कंपनीची भावना

कर्मचाऱ्यांसाठी अटी

- कंपनीच्या हितसंबंधांना बाधा येईल, अशी काही कामे असतील, तर अशा कामांना कंपनीच्या परवानगीची गरज

- पूर्ण वेळ कर्मचाऱ्यांसाठी ही योजना

नोकरी सांभाळून कर्मचाऱ्यांना त्यांची आवड जोपासता यावी, हा या योजनेमागील उद्देश आहे. ‘पीपल फर्स्ट’चे लक्ष्य समोर ठेवून जाताना वाटेतील हा महत्त्वाचा टप्पा आहे. गिरीश मेनन, ‘स्विगी’चे एचआर प्रमुख.