टाटा सन्समध्ये संस्थात्मक बदल

सायरस मिस्त्री यांना पदच्युत करून आठवडा उलटल्यानंतर आता टाटा समूहाने संस्थात्मक बदल करण्यास सुरुवात केली आहे. समूहाच्या मनुष्यस्रोत विभागाचे प्रमुख म्हणून एस. पद्मनाभन यांची नेमणूक करण्यात आली आहे. याखेरीज अन्य नेमणुकाही झाल्या आहेत.

सायरस मिस्त्रींच्या काळात समूहाच्या कार्यकारी परिषदेत सदस्य असलेल्या निर्माल्य कुमार, एन. एस. राजन व मधु कण्णन यांनी यापूर्वीच राजीनामे दिले आहेत.

एस. पद्मनाभन ः टाटा बिझनेस एक्सलन्स ग्रुपचे प्रमुख म्हणून पद्मनाभन कार्यरत आहेत. त्यांच्याकडे मनुष्यस्रोत विभागाचे प्रमुख म्हणून जबाबदारी देण्यात आली आहे.

गोपीचंद कत्रागड्डा ः टाटा समूहाच्या टेक्नॉलॉजी विभागाचे प्रमुख म्हणून जबाबदारी कायम.

संजय सिंग ः लोकव्यवहार जबाबदारी

मुकुंद राजन ः हे या समूहात टाटा ब्रँडचे प्रमुख म्हणून कार्यरत होते. त्यांना अमेरिका, सिंगापूर, दुबई व चीन येथील टाटा सन्सच्या कार्यालयांची व कामकाजाची अतिरिक्त जबाबदारी देण्यात आली आहे.

हरीश भट ः मार्केटिंग (विपणन) व ग्राहकाभिमुखता यांची जबाबदारी होती. त्यांच्यावर आता टाटा ब्रँडच्या व्यवस्थापनाची अतिरिक्त जबाबदारी टाकण्यात आली आहे. त्याचप्रमाणे काही काळासाठी ते धोरणे व व्यवसाय विकास हे विभागही पाहणार आहेत.