मुंबई ः टाटा कन्सल्टन्सी सर्व्हिसेसने (टीसीएस) राजेश गोपीनाथन यांची नेमणूक कंपनीचे सीईओ व व्यवस्थापकीय संचालकपदी केली आहे. टीसीएसचे विद्यमान सीईओ एन. चंद्रशेखरन यांची निवड टाटा समूहाच्या अध्यक्षपदी गुरूवारी करण्यात आल्यामुळे टीसीएसने नव्या सीईओंची घोषणा केली आहे. टीसीएस फायनान्शियल सर्व्हिसेसचे विद्यमान अध्यक्ष एन. गणपती सुब्रमणियम यांची नेमणूक आता टीसीएसचे अध्यक्ष व मुख्य कामकाज अधिकारी म्हणून करण्यात आली आहे.
‘टीसीएसची ताकद तिच्या नेतृत्वात सामावलेली आहे. माझ्यानंतर नवे नेतृत्व टीसीएसची दमदार वाटचाल अशीच पुढे सुरू ठेवेल’, असा विश्वास एन. चंद्रशेखरन यांनी व्यक्त केला आहे.
‘टीसीएसची ताकद तिच्या नेतृत्वात सामावलेली आहे. माझ्यानंतर नवे नेतृत्व टीसीएसची दमदार वाटचाल अशीच पुढे सुरू ठेवेल’, असा विश्वास एन. चंद्रशेखरन यांनी व्यक्त केला आहे.