वृत्तसंस्था, नवी दिल्ली
केंद्र सरकारने ३० ऑगस्ट २०१९ ला केलेल्या सार्वजनिक क्षेत्रातील दहा सरकारी बँकांच्या विलीनीकरणाच्या घोषणेची लवकरच अंमलबजावणी होणार आहे. लवकरच या संदर्भात निवेदन जारी केली जाण्याची शक्यता आहे. या विलीनीकरणानंतर देशात चार मोठ्या बँकांची निर्मिती होणार आहे. १ एप्रिल २०२०पासून नव्या बँका अस्तित्त्वात येण्याचीही शक्यता आहे.
सूत्रांनी दिलेल्या माहितीनुसार, बँकांच्या विलीनीकरणाची कागदोपत्री तयारी झाली असून, केवळ घोषणा करणे बाकी आहे. एका अहवालानुसार निवेदन जारी झाल्यानंतर संबंधित बँकांच्या संचालक मंडळाची बैठक होणार असून, अंतिम माहिती ग्राहकांपर्यंत पोहोचवली जाणार आहे. विलीनीकरण करताना भागधारकांच्या हिताची काळजी घेतली जाणार आहे. विलीन होणाऱ्या बँकांचे मूल्य चालू आर्थिक वर्षाच्या पहिल्या तिमाहीतील वित्तीय निकालाच्या आधारावर निर्धारित करण्यात येणार आहे.
...
या बँकांचे होणार विलीनीकरण
- पंजाब नॅशनल बँकेत ओरिएंटल बँक ऑफ कॉमर्स आणि युनायटेड बँकेचे विलीनीकरण करण्यात येणार आहे. त्यानंतर ही देशातील सर्वांत मोठी दुसरी बँक ठरणार आहे. या बँकेकडे एकूण १७ लाख कोटी रुपयांची संपत्ती असेल.
- कॅनरा बँकेमध्ये सिंडिकेट बँक विलीन होईल. त्यानंतर ही देशातील चौथी सर्वांत मोठी बँक ठरेल. या बँकेकडे १५.२० लाख कोटी रुपयांची संपत्ती असणार आहे.
- युनियन बँकेचे आंध्र बँक आणि कॉर्पोरेशन बँकेसह विलीनीकरण होणार आहे. विलीनीकरणानंत ही देशातील सर्वांत मोठी पाचवी सरकारी बँक बनणार आहे. या बँकेकडे १४.५९ लाख कोटी रुपयांची संपत्ती असणार आहे.
- इंडियन बँक आणि अलाहाबाद बँकेच्या विलीनीकरणानंतर ही देशातील सातवी मोठी बँक ठरणार आहे. या बँकेकडे ८.०८ लाख कोटी रुपयांची संपत्ती असणार आहे.
...
बँकांची संख्या १२ राहणार
देशातील बँकांना जागतिक स्तरावरील बँकांशी स्पर्धा करता यावी, या उद्देशाने केंद्र सरकारने मोठ्या बँकांच्या निर्मितीचा घाट घातला आहे. मोठ्या बँकांच्या निर्मितीनंतर देशातील सरकारी बँकांची एकूण संख्या १२ राहणार आहे. २०१७मध्ये देशातील सरकारी बँकांची संख्य २७ होती. यापूर्वीच देना बँक आणि विजया बँकेचे बँक ऑफ बडोदामध्ये विलीनीकरण झाले आहे.
केंद्र सरकारने ३० ऑगस्ट २०१९ ला केलेल्या सार्वजनिक क्षेत्रातील दहा सरकारी बँकांच्या विलीनीकरणाच्या घोषणेची लवकरच अंमलबजावणी होणार आहे. लवकरच या संदर्भात निवेदन जारी केली जाण्याची शक्यता आहे. या विलीनीकरणानंतर देशात चार मोठ्या बँकांची निर्मिती होणार आहे. १ एप्रिल २०२०पासून नव्या बँका अस्तित्त्वात येण्याचीही शक्यता आहे.
सूत्रांनी दिलेल्या माहितीनुसार, बँकांच्या विलीनीकरणाची कागदोपत्री तयारी झाली असून, केवळ घोषणा करणे बाकी आहे. एका अहवालानुसार निवेदन जारी झाल्यानंतर संबंधित बँकांच्या संचालक मंडळाची बैठक होणार असून, अंतिम माहिती ग्राहकांपर्यंत पोहोचवली जाणार आहे. विलीनीकरण करताना भागधारकांच्या हिताची काळजी घेतली जाणार आहे. विलीन होणाऱ्या बँकांचे मूल्य चालू आर्थिक वर्षाच्या पहिल्या तिमाहीतील वित्तीय निकालाच्या आधारावर निर्धारित करण्यात येणार आहे.
...
या बँकांचे होणार विलीनीकरण
- पंजाब नॅशनल बँकेत ओरिएंटल बँक ऑफ कॉमर्स आणि युनायटेड बँकेचे विलीनीकरण करण्यात येणार आहे. त्यानंतर ही देशातील सर्वांत मोठी दुसरी बँक ठरणार आहे. या बँकेकडे एकूण १७ लाख कोटी रुपयांची संपत्ती असेल.
- कॅनरा बँकेमध्ये सिंडिकेट बँक विलीन होईल. त्यानंतर ही देशातील चौथी सर्वांत मोठी बँक ठरेल. या बँकेकडे १५.२० लाख कोटी रुपयांची संपत्ती असणार आहे.
- युनियन बँकेचे आंध्र बँक आणि कॉर्पोरेशन बँकेसह विलीनीकरण होणार आहे. विलीनीकरणानंत ही देशातील सर्वांत मोठी पाचवी सरकारी बँक बनणार आहे. या बँकेकडे १४.५९ लाख कोटी रुपयांची संपत्ती असणार आहे.
- इंडियन बँक आणि अलाहाबाद बँकेच्या विलीनीकरणानंतर ही देशातील सातवी मोठी बँक ठरणार आहे. या बँकेकडे ८.०८ लाख कोटी रुपयांची संपत्ती असणार आहे.
...
बँकांची संख्या १२ राहणार
देशातील बँकांना जागतिक स्तरावरील बँकांशी स्पर्धा करता यावी, या उद्देशाने केंद्र सरकारने मोठ्या बँकांच्या निर्मितीचा घाट घातला आहे. मोठ्या बँकांच्या निर्मितीनंतर देशातील सरकारी बँकांची एकूण संख्या १२ राहणार आहे. २०१७मध्ये देशातील सरकारी बँकांची संख्य २७ होती. यापूर्वीच देना बँक आणि विजया बँकेचे बँक ऑफ बडोदामध्ये विलीनीकरण झाले आहे.