करोना; हस्तकला उद्योगाला देशी बाजारपेठ तारणार

नवी दिल्ली ः चीनमधून देशात येणाऱ्या हस्तकला वस्तूंना खीळ बसल्यामुळे हस्तकला वस्तूंच्या निर्यातदारांना देशातील कारागीरांचे महत्त्व आता पटू लागले आहे. त्यामुळे निर्यातदार मोठ्या प्रमाणावर देशी बाजारपेठांचा धांडोळा घेऊ लागल्याचे एक्स्पोर्ट प्रमोशन कौन्सिलने गुरुवारी सांगितले.

करोनाची लागण वेगाने सर्वत्र होऊ लागल्यामुळे चीनमधून येणारा माल तसेच चीनकडे जाणारा मालही थांबला आहे. त्यामुळे हा माल देशी बाजारपेठांत विक्रीसाठी उपलब्ध करून दिला जाणार आहे, अशी माहिती कौन्सिलचे महासंचालक राकेश कुमार यांनी दिली. गृहसजावटीच्या वस्तू, जीवनशैलीशी निगडित वस्तू, फर्निचर, विजेची उपकरणे असा वस्तू आता देशी बाजारपेठांत दिसू लागतील.

एक्पोर्ट प्रमोशन कौन्सिलतर्फे १५ एप्रिलपासून पाच दिवसांचे आयएचजीएफ-दिल्ली हे प्रदर्शन भारवण्यात येणार आहे. करोनाच्या भयामुळे हे प्रदर्शन रद्द केले जाणार नाही, असे परिषदेने म्हटले आहे. यामध्ये पूर्वनियोजित सर्व कार्यक्रम होणार आहेत. या प्रदर्शनात पूर्वी ठरल्यानुसार मोरादाबाद, आगरा, दिल्ली, जोधपूर, फिरोझाबाद, जयपूर येथील व्यापाऱ्यांनी व कारागीरांनी भाग घेण्याचे एकमताने ठरवले असल्याचेही परिषदेने म्हटले आहे.