रियाध : आंतरराष्ट्रीय नाणेनिधीच्या (आयएमएफ) प्रमुख क्रिस्टालिना जॉर्जिवा यांच्या मते करोना विषाणूच्या वाढत्या प्रादुर्भावामुळे जागतिक अर्थव्यवस्थेचा वेग घटण्याची शक्यता आहे. 'जी २०' देशांच्या अर्थमंत्र्यांच्या आणि मध्यवर्ती बँकांच्या गर्व्हनरांच्या बैठकीत जागतिक अर्थव्यवस्थेत गेल्या वर्षी २.९ टक्के दराने वाढ झाल्याचेही जॉर्जिवा यांनी स्पष्ट केले. जॉर्जिवा यांच्या मते करोना विषाणूमुळे जागतिक अर्थव्यवस्थेवर ताण आला आहे. चीनमधील आर्थिक व्यवहार पूर्णपणे बंद झाले आहेत. त्यामुळे जागतिक अर्थव्यवस्थेमध्ये सुधारणा होणे जोखीमपूर्ण आहे. 'जगभरात वेगाने फैलावणाऱ्या करोना विषाणूवर तातडीने नियंत्रण मिळवल्यास चीन आणि जगभरातील अन्य अर्थव्यवस्थांच्या वृद्धीदरावर फरक पडण्याची शक्यता आहे.' असेही जॉर्जिवा यांनी स्पष्ट केले.
अर्थव्यवस्थेचा वेग घटणार
आंतरराष्ट्रीय नाणेनिधीच्या (आयएमएफ) प्रमुख क्रिस्टालिना जॉर्जिवा यांच्या मते करोना विषाणूच्या वाढत्या प्रादुर्भावामुळे जागतिक अर्थव्यवस्थेचा वेग ...
महाराष्ट्र टाइम्स.कॉम 25 Feb 2020, 4:00 am