वृत्तसंस्था, नवी दिल्ली
नोटाबंदीनंतर सादर करण्यात आलेल्या दोन हजार रुपयांच्या नोटेची छपाई सध्या बंद असल्याचे माहिती अधिकारात समोर आले आहे.
पंतप्रधान नरेंद्र मोदी यांच्या नेतृत्त्वाखालील केंद्र सरकारने नोटाबंदीच्या घेतलेल्या निर्णयाची ८ नोव्हेंबरला वर्षपूर्ती आहे. नोटाबंदीच्या निर्णयानंतर केंद्राने सर्वांना आश्चर्याचा धक्का देऊन प्रथमच गुलाबी रंगातील दोन हजार रुपयांची नोट सादर केली. मात्र, या नोटेबाबत अनेक चर्चांना गेल्य वर्षभरात ऊत आला. ही नोट जास्त दिवस चलनात राहणार नसल्याच्या वावड्या उठविण्यात आल्याने अनेकांच्या मनात धास्ती निर्माण झाली होती. त्यानंतर वेळोवेळी केंद्र सरकार आणि दस्तुरखुद्द अर्थमंत्री अरुण जेटली यांनीही दोन हजारांची नोट बंद होणार नसल्याचे स्पष्ट केले होते.
या संदर्भात माहिती अधिकारात रिझर्व्ह बँकेकडून माहिती मिळवली असता, त्यात वेगळेच तथ्य समोर आले आहे. एका खासगी वृत्तवाहिनीने माहिती अधिकारात उत्तर मागवले असता, रिझर्व्ह बँकेने दोन हजार रुपयांच्या नोटांची कोणतीही नवी ऑर्डर दिली नसल्याचे उत्तर ‘सिक्युरिटी प्रिंटिंग अँड मीटिंग कॉर्पोरेशन ऑफ इंडिया’ने (एसपीएमसीआयएल) दिले आहे. दोन हजार रुपयांच्या नोटांची छपाई जरी बंदर असली तरी, पाचशे रुपयांच्या आणि त्या खालील चलनी नोटांची छपाई सुरूच असल्याचेही ‘एसपीएमसीआयएल’तर्फे नमूद करण्यात आले आहे.
याचाच अर्थ रिझर्व्ह बँकेने नव्याने दोन हजार रुपयांच्या नोटांच्या छपाईचे कोणतेही आदेश प्रिंटिंग प्रेसला दिलेले नाहीत. मात्र, नोटांची छपाई थांबविण्याचा निर्णय तात्पुरता आहे की कायमस्वरूपी या विषयी अद्याप कोणतीही सुस्पष्टता नसल्याचे दिसून आले आहे.
कमी मूल्याच्या चलनाची छपाई सुरूच
दोन हजार रुपयांच्या नोटांची छपाई जरी थांबविण्यात आली असली तरी, पाचशे, दोनशे, शंभर, पन्नास, वीस आणि दहा रुपयांच्या नोटांची छपाई सुरूच असल्याचे दिसून आले आहे.
अरुण जेटलींच्या विधानावर प्रश्नचिन्ह
नोटाबंदीच्या निर्णयानंतर केंद्र सरकारने दोन हजार रुपयांची नोट सादर केल्याने अनेकांच्या भुवया विस्फारल्या होत्या. त्यानंतर ही नोट सातत्याने बंद होणार असल्याच्या अफवा उडत होत्या. या पार्श्वभूमीवर केंद्र सरकारने वेळोवेळी नोटेविषयी स्पष्टीकरणही दिले होते. एप्रिल महिन्यात अरुण जेटली यांनी ही नोट बंद होणार नसल्याचे स्पष्टही केले होते. मात्र, आता या नोटेची छपाई बंद केल्याच्या पार्श्वभूमीवर जेटलींच्या विधानावर प्रश्नचिन्ह निर्माण झाले आहे.
नोटाबंदीनंतर सादर करण्यात आलेल्या दोन हजार रुपयांच्या नोटेची छपाई सध्या बंद असल्याचे माहिती अधिकारात समोर आले आहे.
पंतप्रधान नरेंद्र मोदी यांच्या नेतृत्त्वाखालील केंद्र सरकारने नोटाबंदीच्या घेतलेल्या निर्णयाची ८ नोव्हेंबरला वर्षपूर्ती आहे. नोटाबंदीच्या निर्णयानंतर केंद्राने सर्वांना आश्चर्याचा धक्का देऊन प्रथमच गुलाबी रंगातील दोन हजार रुपयांची नोट सादर केली. मात्र, या नोटेबाबत अनेक चर्चांना गेल्य वर्षभरात ऊत आला. ही नोट जास्त दिवस चलनात राहणार नसल्याच्या वावड्या उठविण्यात आल्याने अनेकांच्या मनात धास्ती निर्माण झाली होती. त्यानंतर वेळोवेळी केंद्र सरकार आणि दस्तुरखुद्द अर्थमंत्री अरुण जेटली यांनीही दोन हजारांची नोट बंद होणार नसल्याचे स्पष्ट केले होते.
या संदर्भात माहिती अधिकारात रिझर्व्ह बँकेकडून माहिती मिळवली असता, त्यात वेगळेच तथ्य समोर आले आहे. एका खासगी वृत्तवाहिनीने माहिती अधिकारात उत्तर मागवले असता, रिझर्व्ह बँकेने दोन हजार रुपयांच्या नोटांची कोणतीही नवी ऑर्डर दिली नसल्याचे उत्तर ‘सिक्युरिटी प्रिंटिंग अँड मीटिंग कॉर्पोरेशन ऑफ इंडिया’ने (एसपीएमसीआयएल) दिले आहे. दोन हजार रुपयांच्या नोटांची छपाई जरी बंदर असली तरी, पाचशे रुपयांच्या आणि त्या खालील चलनी नोटांची छपाई सुरूच असल्याचेही ‘एसपीएमसीआयएल’तर्फे नमूद करण्यात आले आहे.
याचाच अर्थ रिझर्व्ह बँकेने नव्याने दोन हजार रुपयांच्या नोटांच्या छपाईचे कोणतेही आदेश प्रिंटिंग प्रेसला दिलेले नाहीत. मात्र, नोटांची छपाई थांबविण्याचा निर्णय तात्पुरता आहे की कायमस्वरूपी या विषयी अद्याप कोणतीही सुस्पष्टता नसल्याचे दिसून आले आहे.
कमी मूल्याच्या चलनाची छपाई सुरूच
दोन हजार रुपयांच्या नोटांची छपाई जरी थांबविण्यात आली असली तरी, पाचशे, दोनशे, शंभर, पन्नास, वीस आणि दहा रुपयांच्या नोटांची छपाई सुरूच असल्याचे दिसून आले आहे.
अरुण जेटलींच्या विधानावर प्रश्नचिन्ह
नोटाबंदीच्या निर्णयानंतर केंद्र सरकारने दोन हजार रुपयांची नोट सादर केल्याने अनेकांच्या भुवया विस्फारल्या होत्या. त्यानंतर ही नोट सातत्याने बंद होणार असल्याच्या अफवा उडत होत्या. या पार्श्वभूमीवर केंद्र सरकारने वेळोवेळी नोटेविषयी स्पष्टीकरणही दिले होते. एप्रिल महिन्यात अरुण जेटली यांनी ही नोट बंद होणार नसल्याचे स्पष्टही केले होते. मात्र, आता या नोटेची छपाई बंद केल्याच्या पार्श्वभूमीवर जेटलींच्या विधानावर प्रश्नचिन्ह निर्माण झाले आहे.