IRDA On Advertise of Insurance ग्राहकांची दिशाभूल; सरकार विमा जाहीरातींचे नियम बदलणार

वृत्तसंस्था, नवी दिल्ली : खाद्या विमा पॉलिसीच्या जाहीरातीतून तुम्हाला अधिक लाभांची हमी दिली जात असेल तर अशा जाहीरातींवर विमा नियामक व विकास प्राधिकरणाची (इरडा) करडी नजर राहणार आहे. अशा जाहीरातींसाठी नियम बदलावेत आणि ते अधिक कडक करावेत, अशी भूमिका इरडाने घेतली आहे.

रिझर्व्ह बँकेचे गव्हर्नर शक्तीकांत दास करोना पॉझिटिव्ह
विमा क्षेत्राला करोना काळात चांगले दिवस आले आहेत. विशेषतः टर्म विमा घेण्याकडे आणि त्याद्वारे आपल्यानंतर आपल्या कुटुंबाला भक्कम आर्थिक आदार देण्याकडे कल वाढतो आहे. त्याचप्रमाणे करोना संसर्ग झाल्यास त्यावरील उपचारांसाठी पैसा हाताशी असावा, म्हणून मर्यादित कालावधीच्या करोना कवचसारख्या पॉलिसीही लोक मोठ्या प्रमाणावर खरेदी करत आहेत. अशा वेळी विमा कंपन्यांकडून सर्वसामान्य ग्राहकाची दिशाभूल केली जाण्याचा धोका वाढला आहे. विशेषतः काही विमा उत्पादनांच्या जाहीरातींतून ही विमा उत्पादने आहेत हे स्पष्ट अधोरेखित होत नाही, असे इरडाला आढळले आहे. तसेच या विमा पॉलिसींच्या तरतुदी आणि त्यांपासून मिळणारे लाभ यांत तफावत असल्याचे निरीक्षणही इरडाने नोंदवले आहे. ही सर्व निरीक्षणे इरडाने आपल्या आयआरडीएआय (इन्शुरन्स अॅडव्हर्टाइझमेंट्स अॅण्ड डिस्क्लोजर्स) रेग्युलेशन्स, २०२० अंतर्गत नमूद केली आहेत.

अॅमेझाॅनचा अंबानींना झटका; 'फ्युचर रिटेल'चा खरेदी व्यवहार तूर्त स्थगित
या पार्श्वभूमीवर, विमा उत्पादनांसाठी जाहीरातींचे नवे नियम आणण्याचा इरडा विचार करत आहे. यासाठी इरडाने आराखडा तयार केला असून त्यावर १० नोव्हेंबरपर्यंत संबंधितांकडून मते मागवली आहेत.

सोने सावरले, चांदी स्वस्त ; दसऱ्याला सोने खरेदीत मोठी घसरण
नव्या नियमांमगे इरडाचे उद्देश -

- विमा कंपन्या, विमा कंपन्या व ग्राहक यांतील दुवे यांच्याकडून जाहीरात प्रसारित करताना पारदर्शक किंवा संदिग्धता नसलेला संदेश जावा.

- एकाद्या विमा कंपनीने कोणते लाभ मिळणार नाहीत हे सांगणे आपल्या योजनेच्या जाहीरातीत टाळले असेल तर अशी जाहीरातही दिशाभूल करणारी जाहीरात समजली जाईल.

- पॉलिसीमुळे भावी काळात मिळणारे लाभ हे अतिरंजित दाखवले असतील, त्या लाभांचा विमा कंपनीच्या सध्याच्या वाटचालीशी मेळ बसत नसेल तर अशा जाहीराती दिशाभूल करणाऱ्या समजल्या जातील.

- विमा क्षेत्रासाठी जाहीरात म्हणजे नेमके काय हे ठरवण्यात यावे. गेल्या २० वर्षांत जाहीरात क्षेत्र बदलले आहे, त्यामध्ये तंत्र५ानाचा वापर मोठ्या प्रमाणावर वाढला आहे. त्यामुळे जाहीरातीची व्याख्या नव्याने करणे गरजेचे आहे.