वृत्तसंस्था, नवी दिल्ली
घरगुती वापराच्या सिलिंडरच्या किंमतीत चालू महिन्यात दुसऱ्यांदा वाढ झाली आहे. या सिलिंडरच्या किंमतीत शुक्रवारी दोन रुपयांची वाढ घोषित करण्यात आली. एलपीजी पुरवठादारांना (डीलर्स) देण्यात येणाऱ्या कमिशनमध्ये दोन रुपयांची वाढ झाल्याने सिलिंडरची किंमतही त्याच प्रमाणात वाढली आहे. या दरवाढीमुळे मुंबईत १४.२ किलो वजनाचा घरगुती सिलिंडर ५०५.०५ रुपयांना मिळेल.
यापूर्वी नोव्हेंबरमध्ये या सिलिंडरच्या किंमतीत २.९४ रुपयांची वाढ करण्यात आली होती. कर पुनर्रचनेमुळे ही वाढ झाली होती. यानंतर आता पुरवठादारांचे कमिशन वाढविण्यात आल्याने सिलिंडरची किंमत आणखी वाढली आहे. 'सिलिंडर पुरवठादारांचे कमिशन सप्टेंबर २०१७नंतर वाढविण्यात आले नव्हते. सिलिंडरची ने-आण करण्याच्या खर्चांत झालेली वाढ, वाढते पगार आदी मुद्द्यांचा विचार करून ही प्रलंबित मागणी पूर्ण करण्यात आली आहे. यानुसार १४.२ किलो वजनाच्या सिलिंडरमागे प्रत्येकी ५०.५८ रुपये तर, पाच किलो वजनाच्या सिलिंडरमागे २५.२९ रुपये कमिशन दिले जाईल,' असे पेट्रोलियम मंत्रालयाने प्रसिद्ध केलेल्या पत्रकात म्हटले आहे.
विनाअनुदानित आणखी महाग
घरगुती वापराच्या गॅस सिलिंडरची किंमत ही आंतरराष्ट्रीय स्तरावरील गॅसशी सुसंगत राखावी लागते. गेल्या काही दिवसांत आंतरराष्ट्रीय स्तरावर गॅसची किंमत वाढल्याने विनाअनुदानित गॅसच्या किंमतीत मोठी वाढ झाली आहे. विनाअनुदानित गॅसच्या किंमतीत एक नोव्हेंबरला ६० रुपयांची वाढ झाली होती. आता पुरवठादारांचे कमिशन वाढल्यानंतर मुंबईत या सिलिंडरची किंमत ९४२.५० रुपयांवर पोहोचली आहे. आंतरराष्ट्रीय बाजारात गॅसची किंमत वाढल्यानंतर अनुदानित सिलिंडरवरील अनुदान सरकारकडून वाढवले जाऊन त्यांची किंमत स्थिर ठेवली जाते.
घरगुती वापराच्या सिलिंडरच्या किंमतीत चालू महिन्यात दुसऱ्यांदा वाढ झाली आहे. या सिलिंडरच्या किंमतीत शुक्रवारी दोन रुपयांची वाढ घोषित करण्यात आली. एलपीजी पुरवठादारांना (डीलर्स) देण्यात येणाऱ्या कमिशनमध्ये दोन रुपयांची वाढ झाल्याने सिलिंडरची किंमतही त्याच प्रमाणात वाढली आहे. या दरवाढीमुळे मुंबईत १४.२ किलो वजनाचा घरगुती सिलिंडर ५०५.०५ रुपयांना मिळेल.
यापूर्वी नोव्हेंबरमध्ये या सिलिंडरच्या किंमतीत २.९४ रुपयांची वाढ करण्यात आली होती. कर पुनर्रचनेमुळे ही वाढ झाली होती. यानंतर आता पुरवठादारांचे कमिशन वाढविण्यात आल्याने सिलिंडरची किंमत आणखी वाढली आहे. 'सिलिंडर पुरवठादारांचे कमिशन सप्टेंबर २०१७नंतर वाढविण्यात आले नव्हते. सिलिंडरची ने-आण करण्याच्या खर्चांत झालेली वाढ, वाढते पगार आदी मुद्द्यांचा विचार करून ही प्रलंबित मागणी पूर्ण करण्यात आली आहे. यानुसार १४.२ किलो वजनाच्या सिलिंडरमागे प्रत्येकी ५०.५८ रुपये तर, पाच किलो वजनाच्या सिलिंडरमागे २५.२९ रुपये कमिशन दिले जाईल,' असे पेट्रोलियम मंत्रालयाने प्रसिद्ध केलेल्या पत्रकात म्हटले आहे.
विनाअनुदानित आणखी महाग
घरगुती वापराच्या गॅस सिलिंडरची किंमत ही आंतरराष्ट्रीय स्तरावरील गॅसशी सुसंगत राखावी लागते. गेल्या काही दिवसांत आंतरराष्ट्रीय स्तरावर गॅसची किंमत वाढल्याने विनाअनुदानित गॅसच्या किंमतीत मोठी वाढ झाली आहे. विनाअनुदानित गॅसच्या किंमतीत एक नोव्हेंबरला ६० रुपयांची वाढ झाली होती. आता पुरवठादारांचे कमिशन वाढल्यानंतर मुंबईत या सिलिंडरची किंमत ९४२.५० रुपयांवर पोहोचली आहे. आंतरराष्ट्रीय बाजारात गॅसची किंमत वाढल्यानंतर अनुदानित सिलिंडरवरील अनुदान सरकारकडून वाढवले जाऊन त्यांची किंमत स्थिर ठेवली जाते.