कोळशासाठी हॉलमार्क!

कोलकाताः दगडी कोळशाच्या गुणवत्तेबाबत वारंवार प्रश्न उपस्थित केले जातात. या कोळशाची गुणवत्ता पारखून घेण्यासाठी हॉलमार्क पद्धतीचा अवलंब करण्यात येणार आहे. आतापर्यंत हॉलमार्क केवळ सोन्याच्या दागिन्यांच्या शुद्धतेचे मानक म्हणून वापरले जात असे. याखेरीज देशातील दगडी कोळशाच्या खाणींमध्ये कोळशाचे प्रमाण किती आहे याचाही अभ्यास केला जाणार आहे. त्यासाठी आयआयटी वाराणसी, आयआयटी गुवाहाटी व आयआयईएसटी शिवपूर यांची मदत घेतली जात आहे.

आधारसाठी नवी सुरक्षा
नवी दिल्लीः आधार कार्डासाठी नवी सुरक्षा प्रणाली १ जूनपासून लागू होणार आहे. ही सुरक्षा प्रणाली आधार कार्डासाठी गोळा केल्या जाणाऱ्या बायोमेट्रिक माहितीसाठी वापरली जाणार आहे. त्यामुळे माहिती गोळा करणारी यंत्रे संपूर्णतः सुरक्षित होतील, असा विश्वास विशेष ओळख प्राधिकरणाने (यूआयडीएआय) व्यक्त केला आहे. देशात ११२ कोटी आधार कार्डे दिली गेली आहेत. ५०० कोटी लोकांचे आधार प्रमाणिकरण झाले आहे, तर १०० कोटी लोकांची ई-केवायसी प्रक्रिया आधारच्या साह्याने पूर्ण झाली आहे.

किंगफिशरची चौकशी
नवी दिल्लीः किंगफिशर एअरलाइन्सने थकवलेल्या २९५ कोटी रकमेची चौकशी भारतीय विमानतळ प्राधिकरणाने करावी, असा सल्ला संसदीय संमितीने दिला आहे. २०१२मध्ये किंगफिशर ए्रलाइन्स ही विमानकंपनी बंद पडली. तेव्हापासून प्राधिकरणाचे पैसे कंपनीने थकवले आहेत. डिसेंबर २०१६पासून प्राधिकरणाकडे विविध विमान कंपन्यांची ४५७९.५७ कोटी रुपये देणी थकित आहेत.