मुंबई:
८००० कोटींचे कर्ज थकलेल्या आणि प्रचंड तोट्यात असलेल्या जेट एअरवेजचा व्यापार बुडू नये म्हणून आपत्कालीन कर्ज देण्यास स्टेट बॅंक ऑफ इंडिया आणि पंजाब नॅशनल बँकने तयारी दर्शवली आहे. हे कर्ज देणं खूप मोठा धोका पत्करण्यासारखं असूनसुद्धा जेट एअरवेजला संकटातून बाहेर काढण्यासाठी हा निर्णय घेण्यात आला आहे.
गेल्या तीन महिन्यांपासून जेट एअरवेजला व्यापारात भरपूर तोटा झाला आहे. देशी-विदेशी बँकांकडून घेतलेलं कर्जही जेट एअरवेज पूर्णपणे फेडू शकलेलं नाही. अनेक कर्मचाऱ्यांचे पगारही थकले आहेत. अशा परिस्थितीत जेटच्या रुपाने किंगफिशरची पुनरावृत्ती होऊ देऊ नका अशी हाक सरकारने सर्व बँकांना दिली होती. यामुळेच कर्ज देणाऱ्या २६ बँकांपैकी २ बँका जेटची मदत करण्यास तयार झाल्या आहेत.
पंजाब नॅशनल बँक आणि स्टेट बॅंक ऑफ इंडियाने पुढाकार घेऊन आपत्कालीन कर्ज देण्याची तयारी दाखवली आहे. या कर्जामुळे जेट एअरवेजचा व्यापार सुरू राहील इतपत आर्थिक साहाय्य देण्यात येणार आहे. जेट एअरवेजचा व्यापार पूर्ववत झाल्यास सर्वच कर्ज त्यांना फेडावी लागणार आहेत जर या आर्थिक साहाय्यामुळेही जेट एअरवेजचा व्यापार पूर्ववत झाला नाही तर मात्र जेट एअरवेज विकण्याशिवाय मालकांकडे कोणताच पर्याय उरणार नाही.
आतापर्यंत जेट एअरवेजला कॅनेरा बँक, बँक ऑफ इंडिया, सिंडीकेट बँक , इंडियन ओव्हरसीज बँ क आणि अलाहबाद बँक या राष्ट्रीयकृत बँकांनी कर्ज दिले आहेत. याशिवाय अनेक देशी-विदेशी आणि खाजगी बँकांनीही जेट एअरवेजला कर्ज दिले आहे. जेट एअरवेजवर एकूण २६ बँकांचे कर्ज झाले आहे. येत्या काळात जेट एअरवेज या आपत्कालीन कर्जाच्या साहाय्याने हे कर्ज फेडू शकतं का हे पाहणं महत्त्वाचं ठरणार आहे.
८००० कोटींचे कर्ज थकलेल्या आणि प्रचंड तोट्यात असलेल्या जेट एअरवेजचा व्यापार बुडू नये म्हणून आपत्कालीन कर्ज देण्यास स्टेट बॅंक ऑफ इंडिया आणि पंजाब नॅशनल बँकने तयारी दर्शवली आहे. हे कर्ज देणं खूप मोठा धोका पत्करण्यासारखं असूनसुद्धा जेट एअरवेजला संकटातून बाहेर काढण्यासाठी हा निर्णय घेण्यात आला आहे.
पंजाब नॅशनल बँक आणि स्टेट बॅंक ऑफ इंडियाने पुढाकार घेऊन आपत्कालीन कर्ज देण्याची तयारी दाखवली आहे. या कर्जामुळे जेट एअरवेजचा व्यापार सुरू राहील इतपत आर्थिक साहाय्य देण्यात येणार आहे. जेट एअरवेजचा व्यापार पूर्ववत झाल्यास सर्वच कर्ज त्यांना फेडावी लागणार आहेत जर या आर्थिक साहाय्यामुळेही जेट एअरवेजचा व्यापार पूर्ववत झाला नाही तर मात्र जेट एअरवेज विकण्याशिवाय मालकांकडे कोणताच पर्याय उरणार नाही.
आतापर्यंत जेट एअरवेजला कॅनेरा बँक, बँक ऑफ इंडिया, सिंडीकेट बँक , इंडियन ओव्हरसीज बँ क आणि अलाहबाद बँक या राष्ट्रीयकृत बँकांनी कर्ज दिले आहेत. याशिवाय अनेक देशी-विदेशी आणि खाजगी बँकांनीही जेट एअरवेजला कर्ज दिले आहे. जेट एअरवेजवर एकूण २६ बँकांचे कर्ज झाले आहे. येत्या काळात जेट एअरवेज या आपत्कालीन कर्जाच्या साहाय्याने हे कर्ज फेडू शकतं का हे पाहणं महत्त्वाचं ठरणार आहे.