म. टा. खास प्रतिनिधी, मुंबई
सहकार क्षेत्रातील अग्रणी ठाणे जनता सहकारी बँकेला (टीजेएसबी) भारतीय राष्ट्रीय पेमेंट निगमने (एनपीसीआय) युनिफाइड पेमेंट इंटरफेस प्रणालीचा (यूपीआय) वापर करण्याची अनुमती दिली आहे. अशी मान्यता मिळवणारी ‘टीजेएसबी’ देशातील एकमेव सहकारी बँक ठरली आहे.
‘एनपीसीआय’ने ‘टीजेएसबी’ला या प्रणालीवर कामकाज करण्यासाठी मान्यता देऊन बँकेच्या कार्यपद्धतीवर पसंतीची मोहोर उमटवली आहे. यूपीआय प्रणालीसाठी टीजेएसबी बँकेने विकसित केलेले ‘ट्रान्सझॅप’ हे अॅप हे कार्यान्वित झाले आहे, अशी माहिती बँकेचे अध्यक्ष सी. नंदगोपाल मेनन यांनी दिली.
बँकेचे व्यवस्थापकीय संचालक आणि मुख्य कार्यकारी अधिकारी सुनील साठे म्हणाले, की ‘यातून बँकिंग व्यवहार अधिक सुलभ होणार आहेत. पन्नास हजार रुपयांपर्यंतचे व्यवहार कॅशलेस होणार आहेत. रोख व्यवहार न होता थेट खात्यातून पैशाची देवाण-घेवाण होणार आहे. या सर्व प्रणालीत सुरक्षिततेची विशेष काळजी घेण्यात येणार आहे. सर्व व्यवहार एका क्लिकवर होतील. यामुळे घरातून बाहेर निघताना खिशात रोकड बाळगण्याची घेण्याची गरज भासणार नाही. स्मार्ट फोनच त्यासाठी पुरेसा होईल. भाजी, वाणसामान, रिक्शा, कॅब, सर्व प्रकारची खरेदी यूपीआयद्वारे टीजेएसबीच्या ट्रान्सझॅप अॅपमधून होईल. हे अॅप गुगल प्लेवर उपलब्ध आहे. यासाठी टीजेएसबी बँकेत खाते असण्याची आवश्यकता नाही. ट्रान्सझॅप अॅप डाऊनलोड करणाऱ्या सर्वांना याचा लाभ घेता येईल.’
सहकार क्षेत्रातील अग्रणी ठाणे जनता सहकारी बँकेला (टीजेएसबी) भारतीय राष्ट्रीय पेमेंट निगमने (एनपीसीआय) युनिफाइड पेमेंट इंटरफेस प्रणालीचा (यूपीआय) वापर करण्याची अनुमती दिली आहे. अशी मान्यता मिळवणारी ‘टीजेएसबी’ देशातील एकमेव सहकारी बँक ठरली आहे.
‘एनपीसीआय’ने ‘टीजेएसबी’ला या प्रणालीवर कामकाज करण्यासाठी मान्यता देऊन बँकेच्या कार्यपद्धतीवर पसंतीची मोहोर उमटवली आहे. यूपीआय प्रणालीसाठी टीजेएसबी बँकेने विकसित केलेले ‘ट्रान्सझॅप’ हे अॅप हे कार्यान्वित झाले आहे, अशी माहिती बँकेचे अध्यक्ष सी. नंदगोपाल मेनन यांनी दिली.
बँकेचे व्यवस्थापकीय संचालक आणि मुख्य कार्यकारी अधिकारी सुनील साठे म्हणाले, की ‘यातून बँकिंग व्यवहार अधिक सुलभ होणार आहेत. पन्नास हजार रुपयांपर्यंतचे व्यवहार कॅशलेस होणार आहेत. रोख व्यवहार न होता थेट खात्यातून पैशाची देवाण-घेवाण होणार आहे. या सर्व प्रणालीत सुरक्षिततेची विशेष काळजी घेण्यात येणार आहे. सर्व व्यवहार एका क्लिकवर होतील. यामुळे घरातून बाहेर निघताना खिशात रोकड बाळगण्याची घेण्याची गरज भासणार नाही. स्मार्ट फोनच त्यासाठी पुरेसा होईल. भाजी, वाणसामान, रिक्शा, कॅब, सर्व प्रकारची खरेदी यूपीआयद्वारे टीजेएसबीच्या ट्रान्सझॅप अॅपमधून होईल. हे अॅप गुगल प्लेवर उपलब्ध आहे. यासाठी टीजेएसबी बँकेत खाते असण्याची आवश्यकता नाही. ट्रान्सझॅप अॅप डाऊनलोड करणाऱ्या सर्वांना याचा लाभ घेता येईल.’