टोल नाक्यांवर ‘कॅशलेस’ची सुविधा

मुंबई : देशभरातील सर्व टोलनाक्यांवर ‘कॅशलेस’ शुल्क अदा करणे शक्य व्हावे, यासाठी ‘पेटीएम’ने ‘रिलायन्स इन्फ्रा’, ‘आयआरबी’, ‘एल अँड टी’, ‘जीएमआर’ आणि नॅशनल हायवे अथॉरिटी ऑफ इंडिया (एनएचएआय) आदींशी करार केला आहे. त्यामुळे सर्वच टोलनाक्यांवर ‘पेटीएम’द्वारे शुल्क देण्याची सुविधा वाहनचालकांना प्राप्त होणार आहे.

प्रवाशांना आता पेटीएम अॅपच्या मदतीने टोल काउंटरवर ठेवलेला क्यूआर कोड स्कॅन करून टोल भरता येणार आहे. या सुविधेमुळे टोल नाक्यांवर लागणाऱ्या लांबचलांब रांगा आणि रोख रकमेची चणचण आदी प्रश्न निकालात निघतील, असा दावा ‘पेटीएम’चे वरिष्ठ उपाध्यक्ष किरण वसिरेड्डी यांनी केला आहे.