कॉलसमाप्ती शुल्कात कपात

नवी दिल्ली ः प्रतिस्पर्धी मोबाइल सेवा पुरवठादार कंपनीचा कॉल न जोडल्याबद्दल किंवा मध्येच खंडित झाल्यास कॉल करणाऱ्या कंपनीला भरावे लागणारे दंडात्मक शुल्क, अर्थात कॉलसमाप्ती (कॉल टर्मिनेशन) शुल्क दूरसंचार नियामक ट्रायने मंगळवारी कमी केले. हे शुल्क प्रति मिनिट १४ पैसे होते, जे आता सहा पैसे करण्यात आले आहे. यामुळे ग्राहकांसाठी मोबाइल कॉलशुल्क कमी होईल, असा अंदाज तज्ज्ञ व्यक्त करत आहेत.

नवे कॉलसमाप्ती शुल्क १ ऑक्टोबरपासून लागू होणार आहे. हे शुल्क १ जानेवारी २०२०पासून पूर्णपणे रद्द केले जाणार आहे, असे ट्रायने स्पष्ट केले आहे. ट्रायने हे शुल्क कमी केले असले तरी, भारती एअरटेलसारख्या प्रस्थापित मोबाइल सेवा पुरवठादार कंपन्यांनी हे दंडात्मक वाढवावे, अशी मागणी ट्रायकडे केली होती. त्याचवेळी रिलायन्स जिओने मात्र हे शुल्क संपूर्णतः काढून टाकावे अशी मागणी केली होती.