युको बँकेचा समभाग कोसळला

वृत्तसंस्था, मुंबई

युको बँकेचे माजी अध्यक्ष अरुण कौल यांच्याविरोधात सीबीआयने दाखल केलेल्या गुन्ह्याच्या पार्श्वभूमीवर या बँकेचा शेअर सोमवारी १४ टक्क्यांनी कोसळला.

कौल हे २०१० ते २०१५ या कालावधीत या बँकेच्या अध्यक्षपदी होते. कौल यांनी काही व्यावसायिक, सनदी लेखापाल यांच्याशी संगनमत करून या बँकेत ६२१ कोटी रुपयांचा कर्जघोटाळा केल्याचा सीबीआयचा आरोप आहे. कौल यांच्यावर गुन्हा नोंदविल्यानंतर सीबीआयने त्यांच्या मुंबई व दिल्लीतील निवासस्थानांवर छापे टाकले होते. या घडामोडींनंतर सोमवारी युको बँकेच्या समभागात मोठी घसरण झाली.