Unemployment: भारतातील बेरोजगारी दर वाढला, हरियाणाची अवस्था बिकट तर महाराष्ट्राची स्थिती काय? वाचा

नवी दिल्ली : देशातील बेरोजगारीच्या दरात सातत्याने वाढ होत असून, नोव्हेंबरमध्ये हा दर आठ टक्क्यांवर आला आहे. हा गेल्या तीन महिन्यांतील उच्चांकी दर ठरला आहे. ऑक्टोबरमध्ये बेरोजगारीचा दर ७.७७ टक्के होता. 'सेंटर फॉर मॉनिटरिंग इंडियन इकॉनॉमी'ने (सीएमआयई) गुरुवारी (एक डिसेंबर) देशातील बेरोजगारीची आकडेवारी जाहीर केली.

ISC,ICSE Exam Date 2023: दहावी, बारावी परीक्षांचे वेळापत्रक जाहीर
'सीएमआयई'च्या आकडेवारीनुसार ऑक्टोबरच्या (७.२१ टक्के) नोव्हेंबरमध्ये शहरी बेरोजगारीचा दर वाढून ८.९६ टक्क्यांवर गेला आहे. याच कालावधीत ग्रामीण बेरोजगारीचा दरही ८.०४ टक्क्यांवरून कमी होऊन ७.५५ टक्क्यांवर गेला आहे.

मिरा-भाईंदर महापालिकेत नोकरीची संधी, भरती प्रक्रियेविषयी जाणून घ्या

हरियाणामध्ये सर्वाधिक बेरोजगारी
'सीएमआयई'च्या आकडेवारीनुसार, नोव्हेंबरमध्ये हरियाणामध्ये बेरोजगारीचा दर (३०.६ टक्के) सर्वाधिक असल्याचे दिसून आले आहे. तर, सर्वांत कमी दर छत्तीसगडमध्ये (०.१ टक्का) असल्याचे आढळून आले आहे.

जिल्हा परिषदांच्या शाळांमधील रिक्त पदे भरणार, जाणून घ्या तपशील

कसा ठरतो बेरोजगारीचा दर?
देशातील बेरोजगारीचा दर नोव्हेंबरमध्ये आठ टक्के आहे, याचा अर्थ काम करण्यासाठी इच्छुक असणाऱ्या १००० कामगारांपैकी ८० जणांना काम मिळालेले नाही. 'सीएमआयई'तर्फे दर महा १५ वर्षांहून अधिक वयाच्या नागरिकांच्या घरी जाऊन सर्वेक्षण करून त्यांच्या रोजगारस्थितीची माहिती घेते. त्यातून प्राप्त झालेल्या निष्कर्षांवरून हा अहवाल तयार केला जातो.