वृत्तसंस्था, मुंबई
करोनाचा संसर्ग कमी होण्याचे नाव घेत नसल्यामुळे अर्थव्यव्सथेला म्हणावी तशी गती मिळत नाही. करोनाचे रुग्ण आता आपल्या आसपास सहजगत्या आढळू लागल्यामुळे कोविड-१९ संसर्गाची भीती गुंतवणूकदारांमध्येही वाढू लागली आहे. याचे स्पष्ट प्रतिबिंब सोमवारी भांडवल बाजारांत दिसले. त्यामुळेच राखी पौर्णिमेचा सम असूनही कोणतेही सकारात्मक वातावरण शेअर बाजार निर्माण करू शकला नाही. परिणामी, मुंबई शेअर बाजाराच्या सेन्सेक्सचा ६६७.२९ अंकांनी धुव्वा उडाला. राष्ट्रीय शेअर बाजाराचा निफ्टीदेखील १८१.८५ अंकांनी खाली आला.
सेन्सेक्समधील कंपन्यांची स्थिती
सेन्सेक्स ठरवणाऱ्या ३० कंपन्यांपैकी कोटक महिंद्र बँकेच्या समभागात सर्वाधिक ४ टक्के घसरण नोंदवली गेली. त्याखालोखाल इंडसइंड बँक, अॅक्सिस बँक, ओएनजीसी, एचडीएफसी बँक, बजाज ऑटो व रिलायन्स इंडस्ट्रीज लिमिटेड या कंपन्यांचे समभाग खाली आले. त्याचवेळी टायटन, टाटा स्टील, एचसीएल टेक, लार्सन अॅण्ड टुब्रो व भारतीय स्टेट बँक या कंपन्यांच्या समभागांनी चांगली कामगिरी केली. भांडवल बाजार विश्लेषकांच्या मते रिलायन्स इंडस्ट्रीज लिमिटेड व एचडीएफसी बँकेच्या समभागांची मोठ्या प्रमाणावर विक्री झाल्यामुळे या दोन्ही कंपन्यांचे समभाग पडले.
कोवड-१९ ची चिंता
देशात तसेच जगभरात कोविड-१९ (करोना) संसर्ग वाढतच आहे. त्यामुळे समाजातील विविध क्षेत्रे चिंताग्रस्त आहेत. औद्योगिक क्षेत्रात मंदीचे वातावरण आहे. या क्षेत्राचे भवितव्य अनिश्चिततेच्या टप्प्यावर आले असल्याकारणाने कंपन्यांमध्ये पैसा गुंतवण्यास सर्मसामान्य गुंतवणूकदार धजावत नाही, अशी सध्याची स्थिती आहे. आतापर्यंत जगात १.८० कोटींहून अधिक व्यक्तींना करोनाची लागण झाली आहे. भारतात १८ लाखांपेक्षा अधिक व्यक्ती करोनाबाधित आहेत. यामुळे भांडवल बाजारांत आणि मुख्य म्हणजे गुंतकवणूकदारांमध्ये गुंतवलेल्या पैशाचा योग्य परतावा मिळण्याविषयी भीतीचे वातावरण आहे.
विदेशी बाजारांची स्थिती
शांघाय, टोक्यो, सेऊल या भांडवल बाजारांत सोमवारी सकारात्मक वाचावरण पहायला मिळाले. मात्र हाँगकाँग शेअर बाजार मोठ्या प्रमाणावर पडला. युरोपातील भांडवल बाजारांनी सुरुवात सकारात्मक केली. आंतरराष्ट्रीय बाजारात कच्च्या खनिज तेलाचा दर प्रतिबॅरल ०.६९ टक्के घसरत ४३.२२ डॉलर राहिला.
रुपयाही पडला
सोमवारी भारतीय रुपयानेही गुंतवणूकदारांची निराशा केली. भारतीय रुपया एका अमेरिकी डॉलरच्या तुलनेत २० पैशांनी पडला. यामुळे विदेशी चलन बाजार बंद झाला तेव्हा एका अमेरिकी डॉलरसाठी ७५ रुपये मोजावे लागले. यापूर्वी शुक्रवारी रुपया ७४.८१ या स्तरावर स्थिरावला होता. मोठ्या प्रमाणावर विदेशी कंपन्यांनी भांडवल काढून घेणे, डॉलर सातत्याने सक्षम होत जाणे, बांडवल बाजारांकडून होत असलेली निराशाजनक कामगिरी आणि करोनाबाधितांच्या संख्येत सातत्याने वाढ होणे या सर्वांचा एकत्रित परिणाम म्हणून रुपया पडल्याचे विदेशी चलन व्यापाऱ्यांचे म्हणणे आहे.
करोनाचा संसर्ग कमी होण्याचे नाव घेत नसल्यामुळे अर्थव्यव्सथेला म्हणावी तशी गती मिळत नाही. करोनाचे रुग्ण आता आपल्या आसपास सहजगत्या आढळू लागल्यामुळे कोविड-१९ संसर्गाची भीती गुंतवणूकदारांमध्येही वाढू लागली आहे. याचे स्पष्ट प्रतिबिंब सोमवारी भांडवल बाजारांत दिसले. त्यामुळेच राखी पौर्णिमेचा सम असूनही कोणतेही सकारात्मक वातावरण शेअर बाजार निर्माण करू शकला नाही. परिणामी, मुंबई शेअर बाजाराच्या सेन्सेक्सचा ६६७.२९ अंकांनी धुव्वा उडाला. राष्ट्रीय शेअर बाजाराचा निफ्टीदेखील १८१.८५ अंकांनी खाली आला.
सेन्सेक्समधील कंपन्यांची स्थिती
सेन्सेक्स ठरवणाऱ्या ३० कंपन्यांपैकी कोटक महिंद्र बँकेच्या समभागात सर्वाधिक ४ टक्के घसरण नोंदवली गेली. त्याखालोखाल इंडसइंड बँक, अॅक्सिस बँक, ओएनजीसी, एचडीएफसी बँक, बजाज ऑटो व रिलायन्स इंडस्ट्रीज लिमिटेड या कंपन्यांचे समभाग खाली आले. त्याचवेळी टायटन, टाटा स्टील, एचसीएल टेक, लार्सन अॅण्ड टुब्रो व भारतीय स्टेट बँक या कंपन्यांच्या समभागांनी चांगली कामगिरी केली. भांडवल बाजार विश्लेषकांच्या मते रिलायन्स इंडस्ट्रीज लिमिटेड व एचडीएफसी बँकेच्या समभागांची मोठ्या प्रमाणावर विक्री झाल्यामुळे या दोन्ही कंपन्यांचे समभाग पडले.
कोवड-१९ ची चिंता
देशात तसेच जगभरात कोविड-१९ (करोना) संसर्ग वाढतच आहे. त्यामुळे समाजातील विविध क्षेत्रे चिंताग्रस्त आहेत. औद्योगिक क्षेत्रात मंदीचे वातावरण आहे. या क्षेत्राचे भवितव्य अनिश्चिततेच्या टप्प्यावर आले असल्याकारणाने कंपन्यांमध्ये पैसा गुंतवण्यास सर्मसामान्य गुंतवणूकदार धजावत नाही, अशी सध्याची स्थिती आहे. आतापर्यंत जगात १.८० कोटींहून अधिक व्यक्तींना करोनाची लागण झाली आहे. भारतात १८ लाखांपेक्षा अधिक व्यक्ती करोनाबाधित आहेत. यामुळे भांडवल बाजारांत आणि मुख्य म्हणजे गुंतकवणूकदारांमध्ये गुंतवलेल्या पैशाचा योग्य परतावा मिळण्याविषयी भीतीचे वातावरण आहे.
विदेशी बाजारांची स्थिती
शांघाय, टोक्यो, सेऊल या भांडवल बाजारांत सोमवारी सकारात्मक वाचावरण पहायला मिळाले. मात्र हाँगकाँग शेअर बाजार मोठ्या प्रमाणावर पडला. युरोपातील भांडवल बाजारांनी सुरुवात सकारात्मक केली. आंतरराष्ट्रीय बाजारात कच्च्या खनिज तेलाचा दर प्रतिबॅरल ०.६९ टक्के घसरत ४३.२२ डॉलर राहिला.
रुपयाही पडला
सोमवारी भारतीय रुपयानेही गुंतवणूकदारांची निराशा केली. भारतीय रुपया एका अमेरिकी डॉलरच्या तुलनेत २० पैशांनी पडला. यामुळे विदेशी चलन बाजार बंद झाला तेव्हा एका अमेरिकी डॉलरसाठी ७५ रुपये मोजावे लागले. यापूर्वी शुक्रवारी रुपया ७४.८१ या स्तरावर स्थिरावला होता. मोठ्या प्रमाणावर विदेशी कंपन्यांनी भांडवल काढून घेणे, डॉलर सातत्याने सक्षम होत जाणे, बांडवल बाजारांकडून होत असलेली निराशाजनक कामगिरी आणि करोनाबाधितांच्या संख्येत सातत्याने वाढ होणे या सर्वांचा एकत्रित परिणाम म्हणून रुपया पडल्याचे विदेशी चलन व्यापाऱ्यांचे म्हणणे आहे.