घाऊक महागाईचा दर ३.८० टक्क्यांवर

नवी दिल्ली

इंधन आणि काही खाद्यपदार्थांच्या किमतीत घट झाल्याने डिसेंबर २०१८अखेर घाऊक महागाईचा दर (डब्ल्यूपीआय) ३.८० टक्क्यांवर पोहोचला असून, ही गेल्या आठ महिन्यांतील नीचांकी पातळी ठरली आहे.

नोव्हेंबरमध्ये घाऊक महागाईचा दर ४.६४ टक्के तर, डिसेंबर २०१७मध्ये हाच दर ३.५८ टक्के होता. केंद्र सरकारतर्फे सोमवारी जाहीर करण्यात आलेल्या आकडेवारीनुसार डिसेंबरमध्ये काही खाद्यपदार्थांमधील महागाई ०.०७ टक्क्यांवर पोहोचली. नोव्हेंबरमध्ये ही महागाई ३.३१ टक्क्यांवर पोहोचली. त्यातच डिसेंबरमध्ये पालेभाज्यांमधील महागाई १७.५५ टक्क्यांवर पोहोचली. नोव्हेंबरमधील हीच महागाई २६.९८ टक्क्यांवर होती.