विप्रोमध्ये समभाग पुनर्खरेदी

नवी दिल्लीः आयटी क्षेत्रातील देशातील तिसरी मोठी कंपनी असलेल्या विप्रोने समभागांची पुनर्खरेदी करण्याचा निर्णय घेतला आहे. याला कंपनीच्या भागधारकांनी मान्यता दिली आहे. याअंतर्गत ११ हजार कोटी रुपयांचे समभाग कंपनी गुंतवणूकदारांकडून पुन्हा खरेदी करणार आहे.

एकूण ३४३.७५ दशलक्ष समभाग आपण खरेदी करू, असे विप्रोने गेल्याच महिन्यात सूचित केले होते. यासाठी कंपनी प्रतिभाग ३२० रुपये किंवा ४.९५ डॉलर किंमत देणार आहे. या पुनर्खरेदीला मान्यता देण्यासाठी पोस्टल मतदान व ई-मतदान पद्धतीने मतदान घेण्यात आले. ही माहिती विप्रोने मुंबई शेअर बाजाराला दिली आहे.