चिनी काचेवर अँटी डम्पिंग ड्युटी

नवी दिल्ली ः चीनमधून देशात येणाऱ्या निकृष्ट दर्जाच्या एका प्रकारच्या काचेबाबत सरकारने चौकशी सुरू केली असून या काचेवर अँटी डम्पिंग ड्युटी आकारली जाणार आहे. देशातील उत्पादकांना संरक्षण देण्याचा यामागे उद्देश आहे.

यासंदर्भात गुजरात बोरोसिल लिमिटेडने अँटी डम्पिंग अँड अलाइड ड्युटीज महासंचालनालयाकडे तक्रार दाखल केली होती. त्याची गांभीर्याने दखल घेऊन टेक्स्चर्ड टेंपर्ड ग्लास या प्रकारच्या काचेसंदर्भात सरकार ही कारवाई करणार आहे. या काचेचा उपयोग सोलर पॅनल तयार करण्यासाठी तसेच सौरउर्जा उपयोजनासाठी होतो.