गृहस्वप्न सत्यात उतरवताना करावा लागेल जादा खर्च; हे आहे त्यामागचे कारण, जाणून घ्या

मुंबई : पुढील काही महिन्यांत सिमेंटच्या किरकोळ किमतीत पुन्हा १५ ते २० रुपयांची वाढ होण्याची शक्यता आहे. या आर्थिक वर्षात सिमेंटची एक बॅग ४०० रुपयांचा उच्चांक गाठू शकते. पीटीआयने दिलेल्या वृत्तानुसार, क्रेडिट निर्धारक एजन्सी क्रिसिलने गुरुवारी (२ डिसेंबर) ही माहिती दिली. सिमेंटच्या मागणीत वाढ झाली असून कोळसा आणि डिझेलसारख्या कच्च्या मालाच्या किमतीत वाढ झाली आहे, त्यामुळे सिमेंटच्या किमतीत वाढ करण्यात येणार आहे.

घर खरेदी करताय? या १० बँंका देत आहेत स्वस्त दरात गृहकर्ज, जाणून घ्या होमलोन दर
क्रिसिलने आपल्या अहवालात म्हटले आहे की, किमती वाढल्याने सिमेंट उत्पादकांचे करपूर्व उत्पन्न या आर्थिक वर्षात प्रति टन १००-१५० रुपयांनी कमी होईल. आयात कोळसा (पहिल्या सहामाहीत वार्षिक १२० टक्क्यांहून जादा) आणि पेटकोक (८० टक्के) यांच्या किमतीत अलीकडचे वाढ झाल्यामुळे वीज आणि इंधनाची किंमत ३५०-४०० रुपये प्रति टन म्हणजेच जवळपास ४० टक्क्यांनी वाढू शकते.

IMF मध्ये भारतीयाला मिळाले प्रमोशन ; गीता गोपीनाथ रचणार इतिहास, वाचा सविस्तर
चालू आर्थिक वर्षात विक्री वाढण्याची अपेक्षा
चालू आर्थिक वर्षात सिमेंट विक्री ११ ते १३ टक्क्यांनी वाढण्याची अपेक्षा आहे. या आर्थिक वर्षाच्या पहिल्या सहामाहीत सिमेंटच्या मागणीत २० टक्क्यांहून अधिक वाढ झाली. चालू आर्थिक वर्षात ११-१३ टक्के वाढ दिसू शकते.

वय अवघे पाऊणशे वर्ष; टपाल तिकिटातून उलगडणार महिंद्रा समूहाचा आजवरचा प्रवास
दरम्यान, प्रादेशिक स्तरावर दक्षिण भारतात गेल्या महिन्याच्या तुलनेत ऑक्टोबरमध्ये प्रति बॅग ५४ रुपयांची सर्वाधिक वाढ झाली आहे, त्यानंतर मध्य भारतात प्रति बॅग २० रुपये वाढ नोंदवली गेली आहे. तर उत्तरेत चांगली मागणी असल्याने १२ रुपयांची वाढ झाली. त्याचबरोबर पश्चिम भारतात प्रति बॅग १० रुपयांनी वाढ झाली आहे.