>> प्रफुल्ल छाजेड, सीए
माझे वय ६५ असून मी १९९२मध्ये दोन लाख रुपयांना एक फ्लॅट विकत घेतला होता. या फ्लॅटची सध्याची किंमत १८ लाख रुपये असून चालू आर्थिक वर्षात मी तो विकू इच्छितो. वयपरत्वे काही व्याधी असल्याने तसेच, नवीन गृहखरेदी करण्याची आवश्यकता नसल्याने या फ्लॅटच्या विक्रीतून मिळणारी रक्कम मी माझा मुलगा, मुलगी व जावई यांना देऊ इच्छितो. करबचत करण्यासाठी ही रक्कम मी त्यांना बक्षीसपत्राद्वारे द्यावी की त्यास आणखी काही पर्याय आहे, हे कृपया सांगावे. कोणत्याही प्रकारे वारसांना रक्कम देऊनही त्यावर कर आकारणी होईल का, हा कर कोणाला व किती प्रमाणात भरावा लागेल, यावर मार्गदर्शन करावे.
एक वाचक
या फ्लॅटचे एप्रिल २००१ रोजीचे मूल्यांकन करावे आणि त्या मूल्यांकनाच्या आधारे प्राप्तिकर निर्देशांकानुसार फ्लॅटची आजची किंमत मोजावी. ही निर्देशांकित किंमत विक्रीच्या किंमतीतून वजा करावी. यातून येणारी अधिकची रक्कम तुमचा दीर्घकालीन भांडवली नफा समजण्यात येईल व त्यावर सरसकट २० टक्के दराने करआकारणी होईल. या कराचे नियोजन करायचे असल्यास प्राप्तिकराच्या कलम ५४, ५४ ईसी, ५४ ईई, ५४ जीबी अन्वये गुंतवणूक करावी. तुम्ही तुमच्या वारसांना बक्षीसपत्राद्वारे ही रक्कम दिली तरीही दीर्घकालीन नफ्यावर तुम्हाला करआकारणी होईल.
मी एका खासगी बँकेतून ३५ वर्षांच्या सेवेनंतर निवृत्त झाले असून सध्या माझे वय ६१ आहे. मी दरवर्षी प्राप्तिकर विवरणपत्र भरते. चालू आर्थिक वर्षात मला माझ्या मुलाकडून १५ लाख रुपये बक्षीस रक्कम मिळाली आहे. या रकमेवर मिळणारे व्याज हे माझे उत्पन्न म्हणून गृहीत धरले जाईल की माझ्या मुलाच्या उत्पन्नात ते दाखवावे लागेल, याची कृपया माहिती द्यावी.
एक वाचक
तुमच्या मुलाकडून तुम्हाला मिळालेल्या बक्षीस रकमेवरील व्याज हे तुमचे उत्पन्न समजण्यात येईल व तुम्हाला (तुमचे अन्य उत्पन्न तुम्हाला लागू असलेल्या करमाफ मर्यादेपेक्षा अधिक असल्यास) त्यावर प्राप्तिकर भरावा लागू शकतो.
माझ्ये नावे काही शेअर्स असून यातील काही शेअर्स मी माझ्या आईला किंवा बहिणीला बक्षीसपत्राद्वारे (तीन टक्के स्टॅम्प ड्युटीसह) देऊ इच्छितो. असा व्यवहार केल्यास माझ्या करआकारणीवर काय परिणाम होईल, ते कृपया सांगावे.
एक वाचक
तुमच्या नावे असलेले शेअर्स हे तुम्ही तुमच्या आईला किंवा बहिणीला बक्षीसपत्राद्वारे दिल्यास तुमच्या करआकारणीवर त्याचा परिणाम होणार नाही. बक्षीसपत्रानंतर हे शेअर्स त्यांनी विकले तर होणारा नफा किंवा तोटा त्यांच्या उत्पन्नामध्ये समाविष्ट होईल व त्याप्रमाणे करआकारणी होईल.
प्रश्न पाठवताना...
आपण 'पैसा झाला मोठा' सदरासाठी प्रश्न पाठवू शकता. प्रश्नाचा मजकूर शक्य तो टाइप केलेला किंवा किमान सुवाच्य हस्ताक्षरात असावा. पाकिटावर 'पैसा झाला मोठा सदरासाठी' असे स्पष्ट लिहावे. प्रश्न पोस्टाने किंवा कुरियरने पुढील पत्त्यावर पाठवावेतः महाराष्ट्र टाइम्स, टाइम्स ऑफ इंडिया इमारत, दुसरा मजला, डी. एन. रोड, मुंबई ४००००१. आपण आपले प्रश्न mtaskquestions@gmail.com या ईमेलवरही पाठवू शकता.
माझे वय ६५ असून मी १९९२मध्ये दोन लाख रुपयांना एक फ्लॅट विकत घेतला होता. या फ्लॅटची सध्याची किंमत १८ लाख रुपये असून चालू आर्थिक वर्षात मी तो विकू इच्छितो. वयपरत्वे काही व्याधी असल्याने तसेच, नवीन गृहखरेदी करण्याची आवश्यकता नसल्याने या फ्लॅटच्या विक्रीतून मिळणारी रक्कम मी माझा मुलगा, मुलगी व जावई यांना देऊ इच्छितो. करबचत करण्यासाठी ही रक्कम मी त्यांना बक्षीसपत्राद्वारे द्यावी की त्यास आणखी काही पर्याय आहे, हे कृपया सांगावे. कोणत्याही प्रकारे वारसांना रक्कम देऊनही त्यावर कर आकारणी होईल का, हा कर कोणाला व किती प्रमाणात भरावा लागेल, यावर मार्गदर्शन करावे.
एक वाचक
या फ्लॅटचे एप्रिल २००१ रोजीचे मूल्यांकन करावे आणि त्या मूल्यांकनाच्या आधारे प्राप्तिकर निर्देशांकानुसार फ्लॅटची आजची किंमत मोजावी. ही निर्देशांकित किंमत विक्रीच्या किंमतीतून वजा करावी. यातून येणारी अधिकची रक्कम तुमचा दीर्घकालीन भांडवली नफा समजण्यात येईल व त्यावर सरसकट २० टक्के दराने करआकारणी होईल. या कराचे नियोजन करायचे असल्यास प्राप्तिकराच्या कलम ५४, ५४ ईसी, ५४ ईई, ५४ जीबी अन्वये गुंतवणूक करावी. तुम्ही तुमच्या वारसांना बक्षीसपत्राद्वारे ही रक्कम दिली तरीही दीर्घकालीन नफ्यावर तुम्हाला करआकारणी होईल.
मी एका खासगी बँकेतून ३५ वर्षांच्या सेवेनंतर निवृत्त झाले असून सध्या माझे वय ६१ आहे. मी दरवर्षी प्राप्तिकर विवरणपत्र भरते. चालू आर्थिक वर्षात मला माझ्या मुलाकडून १५ लाख रुपये बक्षीस रक्कम मिळाली आहे. या रकमेवर मिळणारे व्याज हे माझे उत्पन्न म्हणून गृहीत धरले जाईल की माझ्या मुलाच्या उत्पन्नात ते दाखवावे लागेल, याची कृपया माहिती द्यावी.
एक वाचक
तुमच्या मुलाकडून तुम्हाला मिळालेल्या बक्षीस रकमेवरील व्याज हे तुमचे उत्पन्न समजण्यात येईल व तुम्हाला (तुमचे अन्य उत्पन्न तुम्हाला लागू असलेल्या करमाफ मर्यादेपेक्षा अधिक असल्यास) त्यावर प्राप्तिकर भरावा लागू शकतो.
माझ्ये नावे काही शेअर्स असून यातील काही शेअर्स मी माझ्या आईला किंवा बहिणीला बक्षीसपत्राद्वारे (तीन टक्के स्टॅम्प ड्युटीसह) देऊ इच्छितो. असा व्यवहार केल्यास माझ्या करआकारणीवर काय परिणाम होईल, ते कृपया सांगावे.
एक वाचक
तुमच्या नावे असलेले शेअर्स हे तुम्ही तुमच्या आईला किंवा बहिणीला बक्षीसपत्राद्वारे दिल्यास तुमच्या करआकारणीवर त्याचा परिणाम होणार नाही. बक्षीसपत्रानंतर हे शेअर्स त्यांनी विकले तर होणारा नफा किंवा तोटा त्यांच्या उत्पन्नामध्ये समाविष्ट होईल व त्याप्रमाणे करआकारणी होईल.
प्रश्न पाठवताना...
आपण 'पैसा झाला मोठा' सदरासाठी प्रश्न पाठवू शकता. प्रश्नाचा मजकूर शक्य तो टाइप केलेला किंवा किमान सुवाच्य हस्ताक्षरात असावा. पाकिटावर 'पैसा झाला मोठा सदरासाठी' असे स्पष्ट लिहावे. प्रश्न पोस्टाने किंवा कुरियरने पुढील पत्त्यावर पाठवावेतः महाराष्ट्र टाइम्स, टाइम्स ऑफ इंडिया इमारत, दुसरा मजला, डी. एन. रोड, मुंबई ४००००१. आपण आपले प्रश्न mtaskquestions@gmail.com या ईमेलवरही पाठवू शकता.