गुंतवणूकदारांचे मोठे नुकसान; अदानी शेअर्समुळे ३७०० कोटी बुडाले; SEBI अहवालात महत्त्वाची माहिती उघड

नवी दिल्ली : अमेरिकेची शॉर्ट सेलर कंपनी असलेल्या हिंडेनबर्ग संस्थेने अदानी समूहावर आर्थिक गैरव्यवहाराचे, समभागांच्या किंमती फुगवल्याचे आरोप लावल्यानंतर काही गुंतवणूकदारांनी याचा लाभ उठवल्याचे स्पष्ट झाले आहे. मात्र या सर्व आरोपप्रत्यारोपांमध्ये किरकोळ (रिटेल) गुंतवणूकदारांचे मात्र सुमारे ३,७०० कोटी रुपयांचे नुकसान झाले आहे.

भांडवल बाजार नियंत्रक सेबीने यासंदर्भात प्रसिद्ध केलेल्या एका अहवालात म्हटले आहे की, काही गुंतवणूकदारांनी तोट्यात चाललेले अदानी समूहातील कंपन्यांचे समभाग मोठ्या प्रमाणावर खरेदी करून त्यांची साठेबाजी केली. त्यानंतर ते बाजारात चढ्या भावाने विकून कोट्यवधी रुपयांची माया जमवली. सेबीच्या या अहवालाकडे सर्वोच्च न्यायालयाने शुक्रवारी प्रसिद्ध केलेल्या अहवालात लक्ष वेधले आहे.

अदानींना फारच मोठा दिलासा! एकावर एक बसलेल्या धक्क्यानंतर आता आली गुड न्यूज; गुंतवणूकदारांची लॉटरी
सर्वोच्च न्यायालयाचे माजी न्यायाधीश ए. एम. सप्रे यांच्या अध्यक्षतेखालील समितीने याअनुषंगाने काही निरीक्षणे नोंदवली आहेत. त्यानुसार अदानी समूहाच्या कंपन्यांच्या समभागांची पडझड संपल्यावर, म्हणजेच भीतीपोटी समभागांची केली जाणारी विक्री थाबल्यानंतर शेअर बाजार सावरला. मात्र तो २४ जानेवारीपूर्वीच्या स्थितीला आला नाही. परंतु तरीही तो स्थिरावल्याचे दिसून आले.

LIC Share: करोडपती होण्याच्या नादात खरेदी केले पण शेअर्समुळे गुंतवणूकदारांना 'कंगाल', २५ हजार कोटी...
अहवालातील मुद्दे
- २४ जानेवारी आणि २७ फेब्रुवारी यादरम्यान अदानी समूहातील कंपन्यांचे बाजार भांडवल मोठ्या प्रमाणावर घसरले.

- या दिवसांत सुमारे १२.४० लाख कोटी रुपयांनी भांडवल कमी झाले.

- ९ मार्च रोजी सुमारे १० लाख कोटी रुपयांनी पुन्हा भांडवल घटले.

- या सर्व गोंधळामुळे रिटेल गुंतवणूकदारांचे ३,७०० कोटी रुपयांचे नुकसान झाले.

- उच्चउत्पन्न गटातील तसेच उच्चभ्रू गुंतवणूकदारांच्या नुकसानीचा विचार केल्यास एकूण नुकसान २२ हजार कोटी रुपयांवर जाते.

गुंतवणूकदारांसाठी महत्त्वाची बातमी! या कंपन्या होणार बाजारातून डी-लिस्ट, शेअर्सची खरेदी-विक्री 'बंद'
सर्व कंपन्या वधारल्या
सर्वोच्च न्यायालयाचा अहवाल प्रसिद्ध झाल्यावर शुक्रवारी, अदानी समूहातील सर्व १० कंपन्यांचे समभाग वधारले. अदानी विल्मर कंपनीचा समभाग सर्वाधिक ६.८५ टक्के वधारला. अदानी पॉवरचा समभाग ४.९३ टक्के वर गेला. अदानी ट्रान्समिशनचा समभाग ४.६२ टक्के वर गेला. अदानी ग्रीन एनर्जी ४.१८ टक्क्यांनी वधारला. अदानी एव्टरप्रायझेसचा समभाग ३.६५ टक्के तर अदानी पोर्टचा समभाग ३.६५ टक्के वधारले. एनडीटीव्हीच्या समभागात ३.५३ टक्क्ायंची भर पडली. अदानी टोटल गॅसचा समभाग ३.०५ टक्के वधारला. अंबुजा सिमेंटचे समभाग १.२० टक्के वर गेले, तर एसीसीचा समभाग १ टक्के वाढला.