फार्मा कंपनीचा शेअर २.२७ रुपयांवरून पोचला ८९६ रुपयांवर, १ लाखाचे झाले ४ कोटी

मुंबई : भारतीय फार्मास्युटिकल कंपनी सन फार्मास्युटिकल इंडस्ट्रीज लिमिटेडच्या शेअर्सने गेल्या २३ वर्षांमध्ये त्यांच्या गुंतवणूकदारांना ३९,००० टक्क्यांहून अधिक परतावा दिला आहे. सन फार्मा च्या शेअर्समधील वाढ दर्शवते की, गुंतवणूकदारांनी दीर्घ मुदतीसाठी योग्य कंपनीत गुंतवणूक केली आणि त्यांची गुंतवणूक संयमाने ठेवली तर काही हजार किंवा लाखांची गुंतवणूक करून ते कोटींचा नफा कमवू शकतात.

IPO असावा तर असा! बाजार जमिनीवर पण 'हा' शेअर आकाशात, १० दिवसात गुंतवणूकदारांचे पैसे दुप्पट
मंगळवार २७ ऑक्टोबर रोजी सन फार्माचा शेअर एनएससीवर ८९६.७० रुपये प्रति शेअरवर बंद झाला. २३ वर्षांपूर्वी १ जानेवारी १९९९ रोजी जेव्हा सन फार्माच्या शेअर्सने एनएससीवर पहिल्यांदा व्यवहार करण्यास सुरुवात केली तेव्हा त्याची किंमत फक्त २.२७ रुपये होती, जी आता सुमारे ३९,४०२ टक्क्यांनी वाढून ८९६.७० रुपये झाली आहे.
भारतीय बाजारात चढ-उतार सुरूच; घसरणीसह उघडले सेन्सेक्स-निफ्टी, रुपया नीचांकी पातळीवर
कंपनी १९९९ मध्ये शेअर बाजारात सूचिबद्ध
जर एखाद्या गुंतवणूकदाराने २३ वर्षांपूर्वी १ जानेवारी १९९९ रोजी सन फार्माच्या शेअर्समध्ये १ लाख रुपयांची गुंतवणूक केली असती आणि ती गुंतवणूक आजपर्यंत कायम ठेवली असती, तर आज त्याचे १ लाख रुपयांचे मूल्य सुमारे ३.९५ कोटी झाले असते. तसेच जर २३ वर्षांपूर्वी सन फार्माच्या शेअर्समध्ये फक्त ३० हजार रुपये गुंतवले असते तर आज त्याचे मूल्य १ कोटी १८ लाख रुपये झाले असते.

आणखी एका सरकारी कंपनीत गुंतवणूक संधी, लवकरच IPO येणार
गेल्या एका महिन्यात कंपनीच्या शेअर्समध्ये सुमारे १.९८ टक्के वाढ झाली आहे. तर गेल्या वर्षभरात त्याची किंमत सुमारे १५.६९ टक्क्यांनी वाढली आहे. गेल्या एका वर्षात त्यांनी आपल्या गुंतवणूकदारांना ७८.१८ टक्के परतावा दिला आहे. तज्ज्ञांनी सध्याच्या किंमतीवर शेअरमध्ये गुंतवणूकीचा सल्ला देत ९९२ रुपयांचे लक्ष्य ठेवले आहे.

कंपनीची आर्थिक स्थिती?
जूनच्या तिमाहीत सन फार्मास्युटिकलचा एकत्रित नफा ४३ टक्क्यांनी वाढून २,०६१ कोटींवर पोहोचला आहे, जो मागील वर्षीच्या तिमाहीत १,४४४ कोटी रुपये होता. कंपनीचे एकत्रित उत्पन्न 10.7 टक्क्यांनी वाढून रु. १०,७६२ कोटी झाले आहे जे मागील वर्षीच्या तिमाहीत रु. ९,७१९ कोटी होते.