गुंतवणूकदार होणार मालामाल! दोन कंपन्या देणार बक्कळ बोनस, तुमच्याकडे आहेत का हे शेअर्स

मुंबई: शेअर बाजारात बोनस शेअर्स जारी करणे म्हणजे कंपनीच्या विद्यमान भागधारकांना अतिरिक्त किंवा विनामूल्य शेअर्सची घोषणा करणे. याद्वारे, नफा देण्याऐवजी कमाईचा एक भाग कंपनी आपल्या भागधारकांमध्ये वितरित लरेट. उदाहरणार्थ, जर बोनस शेअर्सचे गुणोत्तर ५:१ असेल, तर याचा अर्थ असा की जे पात्र भागधारक रेकॉर्ड तारखेनुसार त्यांना प्रत्येक १ इक्विटी शेअरवर ५ अतिरिक्त शेअर्स दिले जातीतील. सध्या चालू आठवड्यात नायका आणि पुनित कमर्शिअल्स हे दोन स्टॉक ५:१ च्या बोनस गुणोत्तराने एक्स-बोनस देणार आहेत. याबाबत आज आपण जाणून घेऊया सविस्तर...

शेअर्स खरेदीसाठी गुंतवणूकदारांची धडपड, तिमाही अहवालानंतर स्टॉकची विक्रमी पातळी, गुंतवणूक करावी का?
नायका (Nykaa) बोनस शेअर
इक्विटी शेअर्सचा बोनस इश्यू ५:१ च्या प्रमाणात दिला जाईल. बोर्डाने ३ ऑक्टोबर २०२२ रोजी झालेल्या बैठकीत बोनस शेअरला मान्यता देत ११ नोव्हेंबर २०२२ ही रेकॉर्ड डेट निश्चित केली आहे. BSE वरील माहितीनुसार स्टॉक १० नोव्हेंबर रोजी एक्स-बोनस व्यवहार करेल. कंपनीचे शेअर्स गेल्या वर्षी नोव्हेंबरमध्ये बीएसई आणि एनएसई स्टॉक एक्स्चेंजमध्ये सूचीबद्ध झाले होते. सोमवारी कंपनीचे शेअर्स २.४८% वाढून १,१३२ रुपयांवर बंद झाले.

गुंतवणूकदारांनो लक्ष द्या! दुसऱ्या तिमाहीत Paytm महसुलात वाढ, वाचा सविस्तर तपशील
बोनस शेअर्स हे कंपनीने तिच्या विद्यमान भागधारकांना दिलेले अतिरिक्त समभाग पूर्णपणे दिले जातात. तसेच जारी केल्या जाणार्‍या बोनस इक्विटी शेअर्सची वास्तविक संख्या आणि बोनस इश्यूनंतरचे शेअर कॅपिटल रेकॉर्ड तारखेनुसार पेड-अप शेअर कॅपिटलच्या आधारे निर्धारित केले जाईल, असे कंपनीने म्हटले. बोनस शेअर्स दीर्घकालीन रिटेल गुंतवणूकदारांच्या सहभागास प्रोत्साहन देतील, असा कंपनीला विश्वास आहे. दरम्यान, नायकाने सप्टेंबर २०२२ रोजी संपलेल्या तीन महिन्यांत एकत्रित निव्वळ नफ्यात रु. ५.१९ कोटी रुपयांची अनेक पटींनी वाढ झाली आहे, जी एका वर्षापूर्वी याच कालावधीत १.१७ कोटी रुपये होती.

कामाची बातमी! ५०० रुपयांहून कमी किमतीचे शेअर्स, तब्बल ५० टक्के परतावा मिळण्याची शक्यता
पुनित कमर्शियल (Punit Commercials) बोनस शेअर
स्मॉल-कॅप कंपनी पुनीत कमर्शियल लिमिटेडने ४ ऑक्टोबर २०२२ रोजी झालेल्या बैठकीत ५:१ च्या प्रमाणात बोनस समभाग जारी करणार आहे. त्याची रेकॉर्ड डेट बुधवार, ९ नोव्हेंबर २०२२ अशी निश्चित करण्यात आली आहे. BSE च्या माहितीनुसार, पुनीत कमर्शियलचे शेअर्स ९ नोव्हेंबर २०२२ पासून एक्स-बोनस ट्रेडिंग सुरू करेल. कंपनीच्या शेअर्सचा शेवटचा व्यवहार ३ ऑक्टोबर रोजी झाला होता. तेव्हा त्याचा शेअर ५१.२५ रुपयांवर बंद झाला.