'या' बड्या गुंतवणूकदाराची होणार चांदी; IPO पूर्वीच मिळणार गुंतवणुकीच्या २० पट परतावा

मुंबई : शेअर बाजारातील पदार्पणात कमी किंमतीत मिळालेले शेअर कालांतराने चढ्या दरात विकून नफा कमाविण्याची संधी छोटे तसेच बडे गुंतवणूकदार सोडत नाहीत. अशा गुंतवणूकदारांसाठी 'आयपीओ'सारखी प्रक्रिया ही तर पर्वणीच. मात्र आयपीओपूर्वीच आपल्या गुंतवणुकीच्या तब्बल २० पट परतावा मिळवण्याचा मान विदेशी मोबाईल चीप निर्मात्या क्वाॅलकाॅमला मिळत आहे.

जोडोनिया 'कर' ; प्राप्तिकराचा आगाऊ भरणा
सध्याच्या स्टाॅक मार्केटच्या घसरणीत 'मॅपमायइंडिया'ही आयपीओ भाऊगर्दीत सहभागी होत आहे. तंत्रस्नेही दिशादर्शक सुविधा उपलब्ध करून देणाऱ्या 'मॅपमायइंडिया'चा आयपीओ तीन दिवसांनी खुला होत आहे. त्यासाठी प्रत्येक शेअरचा १,००० ते १,०३३ रुपये किंमतपट्टा निश्चित करण्यात आला आहे.

कर्जदारांना मिळेल दिलासा; गृहकर्जावरील व्याज दर यंदाही वाढणार नाहीत कारण...
'मॅपमायइंडिया'त क्वाॅलकाॅमने १३ वर्षांपूर्वीच पहिल्यांदा गुंतवणूक केली. त्यानंतर ती वाढत जाऊन कंपनीतील हिस्सा ५ टक्क्यांपर्यंत गेला. क्वाॅलकाॅमची 'मॅपमायइंडिया'तील सध्याची गुंतवणूक प्रती शेअर सरासरी ५२ रुपये झाली आहे. मात्र विक्रीसाठी शेअरचा दर १,००० रुपयांपेक्षा अधिक निश्चित करण्यात आल्याने क्वाॅलकाॅमला केलेल्या गुंतवणुकीपेक्षा २० पट अधिक लाभ मिळणार आहे.

सोने-चांदीमध्ये तेजी कायम; आज पुन्हा वाढल्या दोन्ही मौल्यवान धातूंच्या किमती
'मॅपमायइंडिया'च्या आयपीओ प्रक्रिये दरम्यान क्वाॅलकाॅम तिचा सध्याचा सर्व हिस्सा विकत आहे. २५ वर्षे जुन्या 'मॅपमायइंडिया'च्या एकूण आयपीओचे मूल्य ५,५०० कोटी रुपयांपुढे जाते. राकेश व रश्मी वर्मा यांची अर्ध्याहून अधिक मालकी असलेली ही कंपनी क्वाॅलकाॅमच्या ५ टक्क्यांसह जपानी झेनरिनचा ९ टक्क्यांपैकी एक तृतियांश हिस्सा विकणार आहे. 'मॅपमायइंडिया'त भारतातील आघाडीची वॅलट ब्रँड फोनपेचाही हिस्सा आहे.