वय वर्ष १३... पण 'या' पठ्ठ्याला येतात चक्क १७ संगणक भाषा!

तामिळनाडूतील कोईम्बतूरमधील अर्णव शिवराम (Arnav Sivram) या अवघ्या १३ वर्षांच्या मुलाने एक अनोखा विक्रम केला आहे. अर्णवने एवढ्याश्या वयात संगणकाच्या १७ भाषा (17 computer languages) आत्मसात केल्या आहेत. मुलं ज्या वयात फक्त गेम्स आणि गाणी, कार्टून पाहण्यासाठी संगणक हातात घेतात त्या वयात अर्णवने संगणक शिकायला सुरुवात केली. चौथीत असताना तो संगणक शिकू लागला. त्याने जावा आणि पायथन सह तब्बल १७ संगणक भाषा अवगत केल्या आहेत.

या व्यतिरिक्त अर्णवने दावा केला आहे की, 'मी १३ वर्षाच्या वयात १७ संगणक भाषा शिकणाऱ्या सर्वात कमी वयाच्या मुलांपैकी एक आहे.' त्याने हेही सांगितले की भारतात सर्वात कमी गुंतवणुकीसह ऑटो पायलटसाठी आर्टिफिशियल इंटेलिजन्स बनवण्याचे त्याचे स्वप्न आहे.



इंटरनेट यूजर्सने देखील या १३ वर्षीय मुलाच्या या यशाचं कौतुक केलं आहे. कोणी त्याला असामान्य म्हटले आहे तर कोणी त्याच्या उज्ज्वल भविष्यासाठी त्याला शुभेच्छा दिल्या आहेत.

झेडपीचे विद्यार्थी जपानी भाषेचे परीक्षार्थी!!

भारतीय मुले विविध क्षेत्रात गौरवास्पद कामगिरी करत असतात. मे महिन्यात एका १० वर्षीय मुलीने एव्हरेस्टवर चढणाऱ्या सर्वात कमी वयाची भारतीय म्हणून नावलौकिक मिळवला आहे. तिने ११ दिवसात हे मिशन यशस्वीपणे पूर्ण केले.