Abhijeet Sawant Career Details: २००४ चं वर्ष..घराघरांमध्ये नुकतेच रंगीत टिव्ही यायला सुरुवात झालेली. सास-बहुच्या सिरियलसोबतच रिअॅलिटी शो आपला पाया भक्कम करु लागले होते. यातच म्युझिक रिअॅलिटी शो इंडियन आयडॉलमधून अभिजित सावंत हे नाव समोर आलं. मराठमोळ्या मध्यमवर्गीय कुटुंबातल्या अभिजितच्या आवाजाचे लाखो चाहते झाले. बघता बघता तो प्रत्येकाच्या घरचा सदस्य बनला. शालेय विद्यार्थ्यांपासून ते तरुण, वयस्कर सर्वांनाच अभिजित सावंत नावाने भारावून टाकलं होतं. त्याची प्रत्येक गाणी तरुणांच्या तोंडावर असायची. त्याच्या शैक्षणिक कारकिर्दिवर नजर टाकूया. अभिजित सावंत यांच्या सुरेल आवाजाची जादू प्रेक्षकांच्या मनाला भिडली. प्रेक्षकांनीही अभिजीतला सर्वाधिक मतदान करून भरभरून प्रेम केले. त्यामुळे 'इंडियन आयडॉल'च्या पहिल्या शोचा विजेता बनून अभिजीतने इतिहास रचला. या शोनंतर अभिजित सावंत आणखी अनेक रिअॅलिटी शोमध्ये दिसला. अभिजीत सावंतचा जन्म ७ ऑक्टोबर १९८१ रोजी मुंबईत झाला. तो महाराष्ट्रातील सिंधुदुर्ग जिल्ह्यात लहानाचा मोठा झाला. त्यांच्या वडिलांचे नाव श्रीधर पांडुरंग सावंत आणि आईचे नाव मनीषा सावंत आहे. २००७ मध्ये त्यांने शिल्पा सावंतसोबत लग्न केले.
मुंबईतील राजा शिवाजी विद्यालयातून त्याने शालेय शिक्षण पूर्ण केले. त्यानंतर वांद्र येथील चेतना कॉलेज ऑफ कॉमर्स अँड इकॉनॉमिक्समधून त्यांने पुढील शिक्षण घेतले. त्यानंतर तो संगीत क्षेत्राकडे वळला. २००४ मध्ये त्याने इंडियन आयडॉल जिंकले. त्यानंतर त्याची लोकप्रियता प्रचंड वाढली. २००५ साली अभिजित सावंतचा पहिला अल्बम 'आपका अभिजित सावंत' सर्वांसमोर आला. त्याच वर्षी त्यांने 'आशिक बनाया आपने' चित्रपटात पार्श्वगायन केले आणि 'मरजावा मिटजावा' गाणे गायले. २००७ साली अभिजित सावंतचा ‘जुनून’ हा दुसरा अल्बम आला. हा अल्बम देखील त्याच्या चाहत्यांनी उचलून धरला.
दरम्यान 'जो जीता वही सुपरस्टार' या रिअॅलिटी शोचा अभिजीत फर्स्ट रनर अप होता. याशिवाय 'एशियन आयडॉल'मध्ये तो तिसऱ्या क्रमांकावर आला होता. या रिअॅलिटी शोमध्ये दक्षिण आशियाई देशांतील गायकांनी सहभाग घेतला होता. असे असूनही अभिजित सावंतला बॉलिवूडमध्ये मोठा ब्रेक मिळू शकला नाही. स्ट्रगल हा प्रत्येकाच्या आयुष्यात असतो. प्रत्येकजण आपापल्या परिने त्याला सामोरा जात असतो. त्याला अभिजित देखील अपवाद नाही. पण सध्या तो देश-विदेशात स्टेश शो करत असतो. सध्या इंडियन आयडॉलप्रमाणे खूप म्युझिक शो येत आहेत, यापुढेही येतील पण अभिजित सावंतच्या निशिबी आलेलं प्रेम फार कमी जणांच्या वाट्याला येईल एवढ मात्र नक्की.
मुंबईतील राजा शिवाजी विद्यालयातून त्याने शालेय शिक्षण पूर्ण केले. त्यानंतर वांद्र येथील चेतना कॉलेज ऑफ कॉमर्स अँड इकॉनॉमिक्समधून त्यांने पुढील शिक्षण घेतले. त्यानंतर तो संगीत क्षेत्राकडे वळला. २००४ मध्ये त्याने इंडियन आयडॉल जिंकले. त्यानंतर त्याची लोकप्रियता प्रचंड वाढली. २००५ साली अभिजित सावंतचा पहिला अल्बम 'आपका अभिजित सावंत' सर्वांसमोर आला. त्याच वर्षी त्यांने 'आशिक बनाया आपने' चित्रपटात पार्श्वगायन केले आणि 'मरजावा मिटजावा' गाणे गायले. २००७ साली अभिजित सावंतचा ‘जुनून’ हा दुसरा अल्बम आला. हा अल्बम देखील त्याच्या चाहत्यांनी उचलून धरला.
दरम्यान 'जो जीता वही सुपरस्टार' या रिअॅलिटी शोचा अभिजीत फर्स्ट रनर अप होता. याशिवाय 'एशियन आयडॉल'मध्ये तो तिसऱ्या क्रमांकावर आला होता. या रिअॅलिटी शोमध्ये दक्षिण आशियाई देशांतील गायकांनी सहभाग घेतला होता. असे असूनही अभिजित सावंतला बॉलिवूडमध्ये मोठा ब्रेक मिळू शकला नाही. स्ट्रगल हा प्रत्येकाच्या आयुष्यात असतो. प्रत्येकजण आपापल्या परिने त्याला सामोरा जात असतो. त्याला अभिजित देखील अपवाद नाही. पण सध्या तो देश-विदेशात स्टेश शो करत असतो. सध्या इंडियन आयडॉलप्रमाणे खूप म्युझिक शो येत आहेत, यापुढेही येतील पण अभिजित सावंतच्या निशिबी आलेलं प्रेम फार कमी जणांच्या वाट्याला येईल एवढ मात्र नक्की.