Job Without Experience or Resume: युरोपातील (Europe) प्रमुख हॉटेल्समध्ये (Hotel) सध्या कर्मचाऱ्यांची खूपच वानवा आहे. ही समस्या सोडवण्यासाठी युरोपातील प्रमुख हॉटेलांची चेन आता कुठल्याही अनुभवाशिवाय किंवा कुठल्या रेझ्युमेशिवाय कर्मचाऱ्यांना नोकरी देण्यास तयार होत आहे. हॉटेलांचे अधिकारीही हे मानत आहेत, की कमी पगारात कर्मचारी ठेवल्यामुळे त्यांना खूप नुकसान सोसावे लागत आहेत. रॉयटर्सने दिलेल्या माहितीनुसार, करोनानंतर वाढलेली टूरिस्टची संख्या आणि त्याअनुषंगाने वाढलेली मागणी पूर्ण करताना युरोपातील हॉटेलांच्या नाकी नऊ येत आहेत. हजारो कर्मचाऱ्यांनी करोना काळात नोकऱ्या सोडल्या आहेत किंवा आंतरराष्ट्रीय प्रवास करोनाकाळात (Coronavirus Pandemic) बंद राहिल्याने त्यांना नोकऱ्यांवर पाणी सोडावे लागले आहे. काही कर्मचाऱ्यांना चांगल्या पगाराच्या नोकऱ्या मिळाल्या, तर काही नोकरी सोडून गेलेले कर्मचारी परतलेच नाहीत. त्यामुळे युरोपातील हॉटेल उद्योगात सध्या कर्मचाऱ्यांचा खूप मोठा तुटवडा आहे.
युरोपातील सर्वात मोठी हॉटेल चेन एकॉर (Accor) ने ट्रायल म्हणून लोकांना कामावर घेण्यास सुरूवात केली आहे. सुरुवातीला ज्या लोकांना इंडस्ट्रीचा कुठलाही अनुभव नाही, अशांना देखील कामावर ठेवले जात आहे.चीफ एक्झिक्युटिव्ह सेबेश्चियन बेजिन यांनी अलीकडेच रॉयटर्सला दिलेल्या एका मुलाखतीत ही माहिती दिली.
Accor सुमारे ११० देशांमध्ये मर्क्युरी, इबिस, फेयरमाउंट आदि हॉटेल ब्रँड्स ऑपरेट करते. Accor ला सध्या जगभरात ३५ हजार कर्मचाऱ्यांची आवश्यकता आहे. कर्मचाऱ्यांचा तुटवडा सर्वाधिक स्पेन आणि पोर्तुगाल मध्ये दिसतो. येथे पर्यटन उद्योग करोनाच्या आधीच्या काळापासून १३ ते १५ टक्के इतकं जीडीपीत योगदान देतो. हॉटेलवाले म्हणूनच अधिक वेतन देत आहेत, मोफत राहायची सेवा करत आहेत, तसेच बोनस, आरोग्य विमा यासारखे लाभही देत आहेत.
युरोपातील सर्वात मोठी हॉटेल चेन एकॉर (Accor) ने ट्रायल म्हणून लोकांना कामावर घेण्यास सुरूवात केली आहे. सुरुवातीला ज्या लोकांना इंडस्ट्रीचा कुठलाही अनुभव नाही, अशांना देखील कामावर ठेवले जात आहे.चीफ एक्झिक्युटिव्ह सेबेश्चियन बेजिन यांनी अलीकडेच रॉयटर्सला दिलेल्या एका मुलाखतीत ही माहिती दिली.
Accor सुमारे ११० देशांमध्ये मर्क्युरी, इबिस, फेयरमाउंट आदि हॉटेल ब्रँड्स ऑपरेट करते. Accor ला सध्या जगभरात ३५ हजार कर्मचाऱ्यांची आवश्यकता आहे. कर्मचाऱ्यांचा तुटवडा सर्वाधिक स्पेन आणि पोर्तुगाल मध्ये दिसतो. येथे पर्यटन उद्योग करोनाच्या आधीच्या काळापासून १३ ते १५ टक्के इतकं जीडीपीत योगदान देतो. हॉटेलवाले म्हणूनच अधिक वेतन देत आहेत, मोफत राहायची सेवा करत आहेत, तसेच बोनस, आरोग्य विमा यासारखे लाभही देत आहेत.