ICSE Board 2022 : आयसीएसई बोर्डाच्या परीक्षा (ICSE Board Exam 2022) दोन महिन्यांत सुरू होणार आहे. सध्या देशभरात वाढत असलेल्या ओमिक्रॉन आणि करोना रुग्णसंख्येमुळे तिसरी लाट (Covid 3rd wave) देण्याची शक्यता वाढत आहे. यामुळे देशभरातील करोडो मुले आणि पालकांच्या मनात भीतीचे वातावरण आहे. १५ ते १८ वर्षे वयोगटातील मुलांसाठी करोना लसीकरण सुरू करण्यात आले आहे. या पार्श्वभूमीवर ICSE बोर्डाने एक परिपत्रक देखील जारी केले आहे. ज्यामध्ये सर्व बोर्डाच्या विद्यार्थ्यांसाठी कोरोना लस अनिवार्य करण्यात आली आहे. इंडियन स्कूल सर्टिफिकेट एक्झामिनेशन म्हणजेच आयसीएसई बोर्डाने त्यांच्या अधिकृत वेबसाइट cisce.org वर एक सूचना जाहीर केली आहे. 'इयत्ता दहावी म्हणजेच आयसीएसआय परीक्षा २०२२ (ICSE Board Exam 2022) आणि बारावीच्या म्हणजेच आयएससी परीक्षा २०२२(ISC Board Exam 2022) च्या विद्यार्थ्यांना सुरक्षिततेसाठी करोना लस घेणे आवश्यक आहे. यामुळे विद्यार्थी घरून शाळेत जाणे, वर्गांमध्ये उपस्थित राहणे, दैनंदिन काम पूर्ण करण्यासोबतच सेमिस्टर २ बोर्ड परीक्षा देखील देऊ शकतात.
आयसीएसई बोर्डाचे मुख्य कार्यकारी आणि सचिव गॅरी अराथून यांनी यासंदर्भात नोटीस जाहीर केली आहे. त्यानुसार १५ ते १८ वर्षे वयोगटातील मुलांच्या पालकांनी त्यांना लस द्यावी. तसेच लस मिळविण्यासाठी प्रोत्साहित करावे असा सल्ला आयसीएसई बोर्डाने सर्व शाळांच्या मुख्याध्यापकांना दिला आहे.
बालकांचे लसीकरण सुरु
भारत सरकारच्या आरोग्य आणि कुटुंब कल्याण मंत्रालयाने २७ डिसेंबर २०२१ रोजी मुलांना लस देण्याबाबत मार्गदर्शक तत्त्वे जारी केली होती. राष्ट्रीय करोना लसीकरण कार्यक्रमांतर्गत १५ ते १८ वर्षे वयोगटातील सर्व मुले आता कोरोनाची लस घेऊ शकतात. बालकांसाठी ही लसीकरण मोहीम ३ जानेवारी २०२२ पासून सुरू करण्यात आली आहे.
विशेष म्हणजे सीबीएसई बोर्डासह इतर राज्यातील बोर्डाच्या शाळांमध्ये मुलांना लस देण्याची प्रक्रिया सुरू करण्यात आली आहे. यासाठी खासगी शाळांनाही प्रोत्साहन दिले जात आहे.
आयसीएसई बोर्डाची नोटीस पाहण्यासाठी येथे क्लिक करा
आयसीएसई बोर्डाचे मुख्य कार्यकारी आणि सचिव गॅरी अराथून यांनी यासंदर्भात नोटीस जाहीर केली आहे. त्यानुसार १५ ते १८ वर्षे वयोगटातील मुलांच्या पालकांनी त्यांना लस द्यावी. तसेच लस मिळविण्यासाठी प्रोत्साहित करावे असा सल्ला आयसीएसई बोर्डाने सर्व शाळांच्या मुख्याध्यापकांना दिला आहे.
बालकांचे लसीकरण सुरु
भारत सरकारच्या आरोग्य आणि कुटुंब कल्याण मंत्रालयाने २७ डिसेंबर २०२१ रोजी मुलांना लस देण्याबाबत मार्गदर्शक तत्त्वे जारी केली होती. राष्ट्रीय करोना लसीकरण कार्यक्रमांतर्गत १५ ते १८ वर्षे वयोगटातील सर्व मुले आता कोरोनाची लस घेऊ शकतात. बालकांसाठी ही लसीकरण मोहीम ३ जानेवारी २०२२ पासून सुरू करण्यात आली आहे.
विशेष म्हणजे सीबीएसई बोर्डासह इतर राज्यातील बोर्डाच्या शाळांमध्ये मुलांना लस देण्याची प्रक्रिया सुरू करण्यात आली आहे. यासाठी खासगी शाळांनाही प्रोत्साहन दिले जात आहे.
आयसीएसई बोर्डाची नोटीस पाहण्यासाठी येथे क्लिक करा