महाविद्यालयांत शुल्ककपात कधी?

पुणे : सर्वोच्च न्यायालयाने शाळांना शुल्क कमी करण्याबाबत सूचना केल्यानंतर, आता वर्षभरापासून ऑनलाइन पद्धतीने शिक्षण देणाऱ्या महाविद्यालयांचे शैक्षणिक शुल्क कमी करण्याची मागणी जोर धरू लागली आहे. करोनाच्या प्रादुर्भावामुळे महाविद्यालये बंद असून, ऑनलाइन पद्धतीने शिक्षण सुरू आहे. त्यामुळे उच्चशिक्षण देणाऱ्या संस्थांनी शुल्ककपात करावी, अशी मागणी विद्यार्थी आणि संघटनांकडून होत आहे.
करोनाच्या प्रादुर्भावामुळे मार्च २०२०पासून शाळांसोबतच महाविद्यालये बंद आहेत. शैक्षणिक वर्ष २०२०-२१ हे ऑनलाइन शिक्षण पद्धतीने पूर्ण होत आहे. अशा परिस्थितीत विद्यार्थी महाविद्यालयांत उपस्थित नव्हते. त्यामुळे विद्यार्थ्यांनी ग्रंथालय, प्रयोगशाळा, क्रीडा सुविधा, कम्प्युटर लॅब अशा शैक्षणिक सुविधांचा लाभ घेतला नाही. मात्र, पुण्यासोबतच राज्यातील अनेक महाविद्यालयांनी शैक्षणिक शुल्कात कपात केली नाही. विद्यार्थ्यांना शैक्षणिक वर्षासाठी संपूर्ण शुल्क भरावे लागत आहे. सर्वोच्च न्यायालयाने शाळांचे शैक्षणिक शुल्क १५ टक्क्यांपर्यंत कमी करण्याच्या सूचना केल्या आहेत. त्यामुळे हाच निकष पदविका, पदवी, पदव्युत्तर अभ्यासक्रमांच्या महाविद्यालयांना लावून शुल्ककपात करावी, अशी मागणी विद्यार्थ्यांकडून करण्यात येत आहे.

PG Medical Exam: वैद्यकीय पदव्युत्तर परीक्षा पुन्हा लांबणीवर
आयआयटीयन्सना हवे 'ना नापास' धोरण; विद्यार्थ्यांवर परीक्षेचा ताण